24.FO
Home Heim & Frítíð Gøtuleikurin kemur suður um fjørð

Gøtuleikurin kemur suður um fjørð

Suðuroyingar kunnu nú gleða seg til vælumtókta skemtileikin “Renn fyri vívinum”, sum hevur gingið í Gøtu seinastu vikurnar. Tí skjótt verður leikurin eisini framførdur í Hovi.

Losjan við Gøtugjógv hevur verið fullsett nærum hvørt kvøld í apríl, og áskoðararnir hava tikið ímóti skjóttgangandi farsuni við láturkrampum og lógvabrestum. Nú er seinasta sýning í Gøtu farin afturum, og eftir ein skjótan steðg í Løkshøll í Runavík, gongur leiðin suður til Hovs at framføra “Renn fyri vívinum”.

Leikurin snýr seg um taxasjaførin John Smith, sum er giftur tveimum konum. Ein dagin er hann ov seinur heim til báðar konurnar, og tá ið løgreglan skal kanna málið um horvna taxasjaførin, gerst skjótt greitt, at hann ikki er heilt so vanligur, sum øll annars hava hildið hann verið. Áskoðarin verður soleiðis boðin við inn í hurlivasaheimin hjá John, har hann við góðari (og ikki sørt forvirrandi) hjálp, sum frægast roynir at bjarga sær báðum hjúnabondunum.

Rættiligur gravgangur hevur verið eftir at sæð herliga skemtileikin, og allar sýningar hava higartil verið útseldar. Tí ræður um at liggja framvið, um tær altso dámar forvirrandi stuttleika. “Renn fyri vívinum” verður framførdur í miðnámsskúlanum í Hovi leygarkvøldið 7. mai kl.19.00 og atgongumerkini kunnu bíleggjast á telefon 280820.

Meira er at lesa og síggja um leikin á facebooksíðuni “Losjan Glotti í Gøtu”.

 

- Advertisment -

Most Popular

Børn og ung skulu hava frítíðarkort

 Vit vilja raðfesta børn og ung, gera tað lættari hjá øllum at gerast partur av frítíðarlívinum í kommununi og samstundis geva ein fíggarligan lætta...

Millum korona og pakkaloysnir í høvuðsstaðnum

Tíðargrein Óli M. Lassen, siviløkonomur Eg veri oftani spurdur um vit ikki skjótt fáa afturgongd í búskapinum og kemur ikki ein kreppa ?. Útsagnir sum...

Klaksvíkar kommuna og framtíðin

- rakstur, íløgur og langtíðarætlanir  Vinnuligur framburður við treystum íløguhugi í vinnuna hava skapt og skapa framvegis stóra framgongd í Klaksvík. Søgan vísir okkum á...

Føroyingar fáa CPR-nummar

Landsstýrið fer bæði at gera tað smidligari at samskifta við danskar myndugleikar og fáa atgongd til danskar skipanir. Í næstum verður eitt uppskot latið...

Seneste kommentarer