Home Fólk & Samfelag Jenis av Rana á fundi við uttanríkisráðharra Íslands

Jenis av Rana á fundi við uttanríkisráðharra Íslands

by OML

1 juli hevði Jenis av Rana, landsstýrismaður í uttanríkis- og mentamálum, fund við Guðlaugur Thór Thórdarson, uttanríkisráðharra Íslands, í Snæfellsnesi.

Jenis av Rana á fundi við uttanríkisráðharra Íslands

 

Á fundinum umrøddu ráðharrarnir, hvussu Føroyar og Ísland kunnu økja um samstarvið landanna millum.

Samstarv við onnur lond og ætlanir landsins at økja um samhandil við triðja lond varð eisini viðgjørt, umframt at mál, ið hava við Hoyvíksáttmálan at gera, fingu góða viðgerð.

Í morgin verður embætismannafundur í felagsnevndini, ið hevur støðufesti í Hoyvíksáttmálanum, har partarnir fara at víðari viðgera evnini, sum ráðharrarnir hava viðgjørt.

Handilssáttmálin millum Føroyar og Ísland ásetur, at ein felagsnevnd skal hava eftirlit við, hvussu fríhandilssáttmálin virkar. Felagsnevndin hittist regluliga at skifta orð um, hvussu sáttmálin roynist, og um onnur mál, sum hava samband við hann.

You may also like

This website uses cookies. By continuing to use this site, you accept our use of cookies.