24.FO
Home Fólk & Samfelag Politikkur Lógaruppskot um bústaðaætlan til hoyringar

Lógaruppskot um bústaðaætlan til hoyringar

Landsstýriskvinnan í almannamálum, Elsebeth Mercedis Gunnleygsdóttur, hevur í dag sent uppskot til broyting av løgtingslóg um Húsalánsgrunn til hoyringar. Uppskotið er partur av bústaðaætlanini hjá Føroya landsstýri.

Landsstýrið ásannar, at bústaðatørvurin er átrokandi. Við lógaruppskotinum fær almenna bústaðafelagið tí møguleika at fíggja bústaðabygging fyri 400 mió. kr. komandi árini.

Bústaðir hevur higartil útvegað 333 leigubústaðir kring landið, og í løtuni eru uml. 170 leigu- og lutabústaðir annaðhvørt í gongd ella ávegis. Við fíggingini fær felagið møguleika at fara undir fleiri nýggjar verkætlanir.

Samstundis verður ein ráðgeving sett á stovn hjá Bústøðum. Ráðgevingin skal veita borgarum, kommunum, feløgum o.ø. ráðgeving um alternativar byggi- og fíggingarhættir. Endamálið við ráðgevingini er at seta gongd á onnur sløg av bústaðabygging enn sethúsa- og íbúðabygging.

Bústaðaætlanin hjá landsstýrinum fevnir harafturat um eitt alment-privat samstarv um búfelagsskapir til fólk við serligum tørvi.

Lógaruppskotið kann lesast HER.

 

Fíggingin markað

Fyri at tryggja, at fíggingin sæst aftur kring landið, hevur landsstýrið markað tær 400 mió. kr.:

200 mió. kr. eru markaðar til almannagagnligar verkætlanir, sum verða gjørdar eftir avtalu við landsstýriskvinnuna. Talan kann eitt nú vera um búfelagsskapir ella sambýlir til fólk við serligum tørvi, barnaverndarstovnar ella lestrarbústaðir.

100 mió. kr. eru markaðar til verkætlanir uttanfyri miðstaðaøkini, har tað ikki er grundarlag fyri kapping við privat virkandi.

100 mió. kr. eru ómarkaðar, men fara tær til verkætlanir í teimum økjum, har grundarlag er fyri kapping við privat virkandi, skal hetta vera á javnsettum grundarlagi.

Landsstýriskvinnan greiðir soleiðis frá:

“Bústaðir hevur í fleiri umførum víst á, at felagið ikki einsamalt megnar at nøkta allan bústaðatørvin í Føroyum. Tí er umráðandi at eggja privata kapitalinum at halda fram við og økja um íløgurnar í føroyska bústaðamarknaðin.”

Mett verður eisini, at javnsettu treytirnar fara at betra um møguleikarnar hjá Bústøðum at taka lut í samstørvum við privatum virkandi og stovnsligum íleggjarum og harvið økja enn meira um útboðið.

 

- Advertisment -

Most Popular

Húsarhaldsskúlin

Tað verður sera vakurt og hugnaligt at búgva í Klaksvík tá lív kemur í miðbýin og lív kemur kring Húsarhaldsskúlan. Sum myndin vísur so...

Rentan á orku- og elbillánum lækkar niður í 1,75 %

Frá 1. oktober 2020 lækkar rentan á orku- og elbillánum niður í 1,75%. Ítøkiliga merkir hetta, at eitt húsarhald, sum hevur lán til ein...

Børn og ung skulu hava frítíðarkort

 Vit vilja raðfesta børn og ung, gera tað lættari hjá øllum at gerast partur av frítíðarlívinum í kommununi og samstundis geva ein fíggarligan lætta...

Millum korona og pakkaloysnir í høvuðsstaðnum

Tíðargrein Óli M. Lassen, siviløkonomur Eg veri oftani spurdur um vit ikki skjótt fáa afturgongd í búskapinum og kemur ikki ein kreppa ?. Útsagnir sum...

Seneste kommentarer