24.FO
Home Fólk & Samfelag Politikkur Danski vinnumálaráðharrin og Fíggjareftirlitið á vitjan í Fíggjarmálaráðnum

Danski vinnumálaráðharrin og Fíggjareftirlitið á vitjan í Fíggjarmálaráðnum

Kristina Háfoss, landsstýriskvinna í fíggjarmálum, hevur í dag havt vitjan av danska vinnumálaráðharranum, Rasmus Jarlov. Við á ferðini og fundinum vóru eisini stjórin í danska Fíggjareftirlitinum og embætisfólk úr danska vinnumálaráðnum.

Á fundinum bleiv støðan í føroysku peningastovnunum umrødd. Komið var millum annað inn á hvussu herdu kapitalkrøvini kunnu ávirka føroysku bankarnar frameftir og hvør lóggáva er ávegis á fíggjarøkinum.

Í hesum sambandi varð eisini kunnað um, at lóggávan nú verður broytt soleiðis, at Føroya váðaráð og Landsbanki Føroya beinleiðis kunnu heinta upplýsingar, ið eru viðkomandi fyri at staðfesta fíggjarligar váðar, frá føroysku peningastovnunum.

Til umrøðu var eisini Evropeiska Bankauniónin. Herundir serliga avleiðingarnar fyri føroyska fíggjargeiran um Danmark gerst limur í bankauniónini. Arbeiðsbólkur er settur, við umboðum fyri føroyskar, grønlendskar og danskar myndugleikar, at lýsa støðuna nærri. Umframt hetta, varð háaktuella evnið um hvíting av pengum umrøtt og varð eisini greitt frá varskógvaraskipanini hjá Fíggjareftirlitinum. Henda skipan er eisini galdandi fyri føroyskar bankar.

Landsstýriskvinnan kunnaði annars eisini um búskaparstøðuna í Føroyum, eins og støðan í altjóða fíggjarheiminum var til umrøðu.

Fundirnir millum danska vinnumálaráðharran, Fíggjareftirlitið og føroysku landsstýriskvinnuna eru afturvendandi fundir, hvørs endamál m.a. er, at føroyskir myndugleikar javnan verða kunnaðir um støðuna í føroysku peningastovnum, og at umrøða støðuna í altjóða fíggjarheiminum sum heild.

 

- Advertisment -

Most Popular

Fótbóltur 5 umfær -talva inni á greinini

HB førir í Betri deildini nú 5 umfør eru leikt. NSÍ og KÍ og B36 hava øll 12 stig, meðan HB hevur 15 stig....

Hjálparpakki 4 verður nú settur í verk!

Hjálp, hjálp og aftur hjálp! Jú føroyingar eru, hesar Koronamerktu dagar, gestir í einum veruligum hjápargildi, har vit sjálvi eru vertir. Higartil hevur fólkið í...

Varaleiðari

Vit søkja eftir einum varaleiðara 40 tíma viku. (møguleiki er fyri færri tímum) at byrja 10.august 2020 ella eftir nærri avtalu. Arbeiðstíðin er vanliga...

Rørsla í Føroyum

ÍSF og Fólkaheilsuráðið ætla at fáa føroyingar at røra seg, og røra tit tykkum nóg nógv, kunnu tit vinna eitt vikuskifti í Mykinesi, sum...

Seneste kommentarer