Home Vinnutíðindi Nýbygningur nummar 50 handaður til Luna

Nýbygningur nummar 50 handaður til Luna

by OML

Í fagrasta veðrið í gjáramorgunin stevndi nýbygningur nummar 50 hjá KJ út av Fuglafirði.

Tvíkiljan er handað alifelagnum Luna, og hevur fingið navni Ritunøva.

Ritunøva er 15,5m long og 7m breið. Tvíkiljan hevur 2 framdriftsmotorar uppá hvør 425 Hk, og ein 100 KVA ljósmotor. Av deksútgerð kann nevnast ein Palfinger 50 tons/metur krani, eitt 10 tons deksspæl, ein kapstanur uppá 6 tons og tríggir uppá 1 tons.

Tvíkiljan er útgjørd við messu, WC, arbeiðs-/klædnarúmi og allari vanligar nautiskari útgerð.

Hettar er nýbygningur nr 50 sum KJ hevur smíðja, og nr 9 til Luna.

Tvíkiljan Ritunøva er gjørd í tøttum samstarvi við Luna, har serligur dentur er lagdur á gott arbeiðsumhvørvi. Hon skal vera góð og trygg at arbeiða við í øllum líkindum og nógv er gjørt fyri at fáa ljóðviðurskiftini so góð sum til ber.

Ritunøva er heimahoyrandi í Bø.

Undirveitarar eru m.a.:

Kári Jóhannesen

Bátatænastan

PFJ EL

Radiobúðin

Gummibátatænastan

Sámal í Jógvansstovu

 

You may also like

This website uses cookies. By continuing to use this site, you accept our use of cookies.