Nú skullu dangurnar leggjast
Savnsmynd 24.fo
Vinnutíðindi: Tá eg hevði lisið Sosialin frá 13 maj bleiv eg fyrst illur síðani flenti eg og so bleiv eg sorgarbundin, skrivar Viberg Sørensen.
Vit endurgeva grein frá heimasíðuni hjá Reiðarafelagnum, Viberg Sørensen frá 2009 og sum hevur staði á 24timar.com
16-05-09 02:01, Óli M. Lassen
Í hesum tíðum tá so hart leikar á hjá nógvum skipum kunnu vit saktans vera hasar niðrandi yvirskrivtirnar fyriuttan.
Inni í blaðnum er ein Búskaparfrøðingur sannførdir um at tey skipini sum ikki bera seg skullu fara á húsagang.
Hetta er bara einí røðini sum vit hava hoyrt úttala seg um fiskivinnuna. Tað er júst eitt ár síðan at Landsbankastjórin segði at vit áttu at flutt fólk úr fiskivinnuni til tænastuvinnuna á landi. Vit fingu at vita at um fiskivinnan lá still hevði tað onga ávirkan á landið. Hetta siga vaksnir menn í ramasta álvara.
Klaksvík er í djúpari kreppu, hví man tað verða?
Ein nýtist ikki at vera búskaparfrøðingur fyri at svara.
Í Klaksvík sigla enn einir 9 stórir línubátar og nógvir útróðrabátar sum umleið 250 menn eru knýttir at.
Øll hesi skipini hevði verið betur fyri fíggjarliga um tey ikki høvdu loyst frá landi í ár, tað er bara fakta, men um tað hevi verið betur fyri Klaksvíkina og Føroyar yvist eg í.
Hvussu nógv heim og fólk annars ið eru knýtt at hesum skipum kunnu vit bara gita um, men tey eru nógv. Støðan hjá øllum húkaflotanum í restini av landinum er sjálvandi tann sama.
Boðini frá hesum búðskaparmanninum eru at alt sum ikki kan standa skal falla. Tað er heilt ófatuligt at menn koma við slíkum úttalilsum í einum landi sum Føroyum.
Hvussu hevði sæð út her um vit ikki høvdu rætt hjálpandi hendur út tá onkur er í kreppu, eg hugsi ikki bara um í fiskivinnuni, men tað tykist sum at tá onkur á landi verður bjargaður er tað í fínasta lagi.
Nú haldi eg eisini at tíðin er komin har vit sum eru í fiskivinnuni fáa at vita hvar øll hini beinini eru sum skullu bera hetta landið, komið nú við uppskriftini tí nú verða dangurnar kanska lagdar.
Viberg Sørensen.
