Home Tíðindir Norðoya Sparikassi 9,6 milliónir í avlopi fyrra hálvár

Norðoya Sparikassi 9,6 milliónir í avlopi fyrra hálvár

by OML

Úrslitið eftir skatt í fyrra hálvár 2016 var eitt avlop á 9,6 mió. kr., móti 6,2 mió. kr. sama tíðarskeið í 2015. Hetta er ein øking upp á 3,4 mió. kr.

Virksemið økist

Vøksturin í útlánum og ábyrgdum var 3,2 % ella 53,9 mió. kr. Útlánini øktust úr 1.598 til 1.646 mió. kr., og ábyrgdirnar øktust úr 63,6 mió. kr. upp í 69,5 mió. kr.

Vøksturin í innlánum var 3,4 % ella 66,9 mió. kr. – úr 1.973 mió. kr. upp í 2.040 mió. kr. Innlánsavlopið øktist aftur í fyrra hálvár 2016 – hesaferð við 19 mió. kr. og var 395 mió. kr.  pr. 30. juni 2016.

Líkt er til, at ábyrgdarar hava álit á sparikassanum og eru væl nøgdir við rentuna, sum er 5 %. Sparikassin hevur seinastu árini merkt stóran áhuga fyri at seta pening í ábyrgdarfæ. Samlaða ábyrgdarfæið var pr. 30. juni kr. 17.331.000, móti kr. 16.470.000 við ársbyrjan 2016. Hetta er ein øking upp á kr. 861.000, ella 5,2 %

Gjaldføri og solvensur

Gjaldførið er gott. Pr. 30. juni 2016 var yvirdekningurin sammett við lógarkravið 169 %.

Eisini solvensurin er góður. Pr. 30. juni 2016 var solvensurin 18,1 %, meðan individuelli solvenstørvurin var 9,1 %. Harvið var solvensyvirdekningurin 9 % -stig.

Sparikassin er væl nøgdur við gongdina higartil í ár, og nú árið er hálvrunnið, er sparikassin av tí fatan, at metingin um úrslitið av vanligum rakstri fyri alt árið upp á umleið 19 mió.kr. fer at halda.

NORÐOYA SPARIKASSI

Marner Mortensen, stjóri.

Hálvársfrásøgn 2016.pdf

You may also like

This website uses cookies. By continuing to use this site, you accept our use of cookies.