24.FO
Home Fólk & Samfelag Lesandi skulu hava betri sømdir

Lesandi skulu hava betri sømdir

Umframt umfatandi útbyggingar innan skúla- og útbúgvingarøkið, skal lestrarstuðulin hækka komandi árini. Hetta sigur Rigmor Dam, landsstýriskvinna í Mentamálum.

Í uppkotinum til karmar frá Mentamálaráðnum verður sagt, at lestrarstuðulin til lesandi á hægri útbúgvingum skal hækka.

Rigmor Dam, landsstýriskvinna sigur, at um vit vilja hava fleiri ung fólk at velja Føroyar sum lestrarland, má føroyski lestrarstuðulin vera kappingarførur við tann danska, tí allir føroyingar, sum eru innskrivaðir á útbúgvingarstøðum uttan fyri Føroyar, fáa í løtuni danskan lestrarstuðul.

– Vit eru eftirbátar á fleiri økjum, tá ið umræður lestrarstuðul, bæði í mun til vanliga stuðulin, stuðul til forsyrgjarar, íbúðarstuðul og at lesandi ikki fáa lestrarstuðul allar 12 mánaðirnar í árinum. Hetta ynskir samgongan at arbeiða miðvíst fyri at loysa komandi trý árini, sigur Rigmor Dam, sum sostatt tekur fyrsta stigið á leiðini nú karmarnir fyri 2017 verða lagdir, so játtanin til økið kann hækka í fíggjarlógini fyri 2017.

Risa útbyggingar á útbúgvingarøkinum

Eisini í mun til útbyggingar á útbúgvingarøkinum hevur samgongan stórar ætlanir, og nógvar íløgur eru í væntu komandi árini.

Í langtíðarkørmunum eru nærum 100 mió. krónur settar av til útbyggingar og umvælingar á økinum í 2017, og er hetta nógv størsta samfelagsliga íløguøkið í løtuni.

Risa byggiætlanin Glasir verður liðug komandi ár, og farið verður undir kampus á Frælsinum, har Setrið kemur at húsast framyvir.

Harumframt er nýggjur húsarhaldsskúli í Klaksvík og eftirskúli í Suðuroy millum íløgurnar hjá samgonguni komandi árini, tí samgongan heldur tað vera umráðandi, at góð og fjølbroytt skúlatilboð eru til ungdómar kring alt landið.

 

 

 

Mentamálaráðið, 5. februar 2016

 

- Advertisment -

Most Popular

Rørsla í Føroyum

ÍSF og Fólkaheilsuráðið ætla at fáa føroyingar at røra seg, og røra tit tykkum nóg nógv, kunnu tit vinna eitt vikuskifti í Mykinesi, sum...

Námsfrøðingar

Vit søkja eftir 3 námsfrøðingum at byrja 10.august 2020, ávíkavist 1 námsfrøðing á 40 tímar um vikuna (møguleiki fyri niðursetta tíð) 1 námsfrøðing á 30 tímar...

Politiet standser efterforskningen af mulig skattesvig i PF Betri

Færøernes Politi standser efterforskningen af mulig skattesvig i P/F Betri (tidligere EIK Banki) Færøernes Politi har i dag besluttet at standse efterforskningen i sagen mod...

Takið uppsøgnirnar aftur:

Eru einar Koronafríar Føroyar ikki ein góð søluvøra? Mæli til, at uppsagnirnar av øllum fólkum hjá AA og FAE verða trektar aftur beinanvegin. Og at...

Seneste kommentarer