Rigmor Dam, landsstýriskvinna, á ársfund Norðurlandaráðsins í Reykjavík

Landstýrisfund October 2015

Landsstýriskvinnan í mentamálum, Rigmor Dam, fer í dag saman við løgmanni og øðrum landsstýrisfólkum á ársfund Norðurlandaráðsins, sum í ár verður hildin í Hørpuni í Reykjavík.

Umframt at taka lut í sjálvum ársfundinum skal landsstýriskvinnan m.a. á fund við  norðurlendsku mentamálaráðharrarnar. Saman við mentamálaráðharrunum úr Grønlandi og Íslandi skal Rigmor Dam á fund í Útnorðurráðnum.

Á ferðini skal landsstýriskvinnan eisini hava fundir við aðrar ráðharrar eitt nú danska mentamálaráðharran, Bertel Haarder, og danska undirvísingarmálaráðharran, Ellen Trane Nørby.

Hósdagin fer landsstýriskvinnan á fund við íslendska mentamálaráðharran, Illuga Gunnarsson, og íslendska kringvarpsstjóran, Magnús Geir Þórðarsson.

Landsstýriskvinnan verður hjástødd, tá ið norðurlendsku heiðurslønirnar, har Føroyar eiga ikki færri enn fýra tilnevningar, verða handaðar í Hørpuni í annaðkvøld.

Rigmor Dam kemur aftur til Føroya fríggjadagin 30. oktober.

 

 

Mentamálaráðið, 26. oktober 2015

Skriv et svar

This website uses cookies. By continuing to use this site, you accept our use of cookies.