Home Fólk & SamfelagPolitikkur Hevur løgmaður gloymt krókarnar kring landið ?

Hevur løgmaður gloymt krókarnar kring landið ?

by OML

Enn merkir vanligi lønmóttakarin onki til 100-tals milliónirnar, sum fossa niður í landskassan frá ali- og fiskivinnuni.

Sláið ring um borgarligu virðini og bjargið Føroyum undan socialismuni, sum er við at forkoma okkara fiskivinnu.   

Hetta skrivar Elsebeth Mercedis Gunnleygsdóttur, løgtingslimur

Slagorðið hjá  løgmanni, og sum javnaðarflokkurin helst vann  valið uppá var, at nú skuldi ríkidømi havsins út í hvønn krók í landinum.  Tað eydnaðist at tøla veljaran , men sannleikans tími er við at innheinta løgmann.  Enn eru 100-tals milliónirnar ikki náddar út í nakran krók – heldur hinvegin.

Nú hevur samgongan   sitið í 3 ár og kravt 100 tals milliónir meir inn  frá ali- og fiskivinnuni og ætla sær meir enn, tí sum onkur teirra sigur, har er “skítfult” av pengum eftir.

Higartil hevur  vanligi lønmóttakarin  runt landið onga týðiliga broyting merkt til,   at hesar 100 tals milliónirnar, sum fossa inn í landskassan frá ali- og fiskivinnuni, gera lívið hjá teimum lættari, sum lovað bleiv.  Vanligi lønmóttakarin verður framvegis plágaður og undirdýktur við skattum og alsamt hækkandi og nýggjum avgjøldum.

Løgmaður,  Høgni og Poul søgdu  ikki fyri fólki, at teir fóru at hækka tinglýsingargjaldið, heilsutrygdargjald, inngjald til samhaldsfasta, avgjald til diesel og bensin, vegskattin, kringvarpsgjaldið, gjald til barsilsskipanina. Ætlaninr eru harumframt at hækka gjaldið til samhaldsfasta uppaftur meira.

Ríkidømi havsins, sum  løgmaður og samgongan lovaðu at  deila javnari og rættvísari út í hvønn krók og inn í hvørja stovu í landinum,    steðgar upp onkustaðni. Tað fer aðrar leiðir, ella verður oyðslað burtur av samgonguni . Landskassin og socialisman  eru ómettilig og tað er heldur hinvegin, at løgmaður, Høgni Hoydal og Poul Michelsen eru farnir út um landið eftir meir peningi til at fylla í  stóra pott og aðrar grunnar, sum allarhelst ongin núlivandi føroyingur fær ágóðan av.

Brotin lyftir

Spyrjið  Palliba og Marsanna,  fiskimannin, sjúkrarøktarfrøðingin, námsfrøðingin, smiðin,  timburmannin etc. Spyrjið heilsuverkið og starvsfólkini har, spyrjið  tey sjúku og veiku og avvarðandi teirra, um tey merkja nakað til lyftir løgmans áðrenn valið, at ríkidømið skuldi út í hvønn krók í øllum landinum, inn í hvørja stovu.

Spyrji íbúgvarnar norðanfyri fjall um teir hava merkt nakað til 100 tals milliónirnar, sum fossa úr teirra øki, spyrjið á sjúkrahúsunum. Spyrjið tey, sum eru uppsteðgaði í heilsuverkinum.

Hendan samgongan hevur so ruddiliga ,enn einaferð avdúkað,  at fyri tað um ein samfelagsbólkur, í hesum førinum ali- og fiskivinnan  skulu rinda meir, so merkir tað sanniliga ikki, at vanligi skattgjaldarin  sleppur bíligari. Samgongan/socialisman fær ongantíð nóg mikið av peningi inni. Hon leitar altíð eftir meir.  Tað er ein náttúrulóg, ein veruleiki.

Eru vit á veg móti statskapitalismu ?

Ístaðinfyri at samfelagið hevur nøkur sterk vinnulívsfólk  úti um landið, sum megna, duga og hava hug og árræði at skapa virksemi kring alt landið,  so bendir nógv á, at hendan samgongan stevnir fram ímóti ultimativa aðalmálinum, ynskidreyminum  við einum statskapitalisti, einum landsreiðaríi í Tinganesi . Er ætlanin, at vinnufyritøkurnar og   arbeiðandi fjøldin skal reduserast til at verða skaffidjór hjá landskassanum? Bara so dánt yvirlivað, men helst ikki nógv meir enn tað ?

Vit hava sæð úttalilsir um,  at ongin sjómaður skal tjena meir enn 400 tús. Kr. um árið.  Verður hetta maximumlønin hjá sjófólki okkara í komandi landsreiðarínum hjá Høgna, Aksel og Pól ? Við hesi gongdini eru vit sterkt ávegis móti hesum. Tað er bara spurningur um tíð, hvussu leingi núverandi aktørar tíma at fáast við fiskivinnu undir hesum treytunum, haralt er ein peruvellingur og har   allur vinningur yvir 400 tús. kr skal takast frá teimum. Tá verður klárt hjá Høgna, Aksel og Poul at stovna landsreiðaríið.

Sláið ring um borgarligu virðini og  bjargið Føroyum undan socialismuni, sum er við at forkoma okkara fiskivinnu.

Elsebeth Mercedis Gunnleygsdóttur

løgtingslimur

You may also like

This website uses cookies. By continuing to use this site, you accept our use of cookies.