24.FO
Home Tíðindir Útfluttu fyri 7 mia. og innfluttu fyri 6 mia. í januar- oktobur

Útfluttu fyri 7 mia. og innfluttu fyri 6 mia. í januar- oktobur

Útflutningurin var samanlagt 7,2 mia. kr. frá januar til oktobur í ár, tað eru 785 mió. kr. meir sama tíðarskeið í fjør, svarandi til ein vøkstur á 10%. Av hesum var fiskavøruútflutningurin einsamallur 7,0 mia. kr., ið er 785 mió. kr. meir enn sama tíðarskeið í fjør, svarandi til ein vøkstur á 13%.

Hagstova Føroya » 15. desember 2017

Í sama tíðarskeiði var innflutningurin 6,0 mia. kr., ið er 679 mió. kr. ella 13% meir enn í fjør. Uttan skip og flogfør var innflutningurin 5,6 mia. kr. ið er 497 mió. kr. ella 10% meir enn í fjør.

Í útflutninginum var størsti vøksturin í laksi við 308 mió. kr., so hann nú er gott 46% av øllum fiskaútflutninginum. Síðani var tað makrelur, sild og svartkjaftur, ið vaks 258 mió. kr. í virði, so hesi nú eru 21% av samlaða fiskaútflutninginum. Á triðja plássi kom toskur, upsi og hýsa, ið vaks 77 mió. kr. í virði, og er hesin botnfiskurin nú gott 14% av fiskaútflutninginum.

Í innflutninginum var nógv størsti vøksturin í brennievni við 247 mió. kr., ið er helvtin av øllum vøkstrinum, tá skip og flogfør ikki eru tald við. Hesin vøksturin á 46% ger eisini tað, at brennievni nú er triðstørsta innflutningsvøran eftir tilfari til ídnað og vørur til húsarhaldsnýtslu. Húsarhaldsnýtslan vaks við 8% í innflutninginum, og innflutningurin av akførum vaks framhaldandi nógv við 23%.

Útgreinað og dagførd hagtøl um innflutning og útflutning eru at finna í hagtalsgrunninum her.

- Advertisment -

Most Popular

Rentan á orku- og elbillánum lækkar niður í 1,75 %

Frá 1. oktober 2020 lækkar rentan á orku- og elbillánum niður í 1,75%. Ítøkiliga merkir hetta, at eitt húsarhald, sum hevur lán til ein...

Børn og ung skulu hava frítíðarkort

 Vit vilja raðfesta børn og ung, gera tað lættari hjá øllum at gerast partur av frítíðarlívinum í kommununi og samstundis geva ein fíggarligan lætta...

Millum korona og pakkaloysnir í høvuðsstaðnum

Tíðargrein Óli M. Lassen, siviløkonomur Eg veri oftani spurdur um vit ikki skjótt fáa afturgongd í búskapinum og kemur ikki ein kreppa ?. Útsagnir sum...

Klaksvíkar kommuna og framtíðin

- rakstur, íløgur og langtíðarætlanir  Vinnuligur framburður við treystum íløguhugi í vinnuna hava skapt og skapa framvegis stóra framgongd í Klaksvík. Søgan vísir okkum á...

Seneste kommentarer