24.FO
Home Tíðindir Nærkast meti í løntakaratalinum

Nærkast meti í løntakaratalinum

Í januar vóru 25.807 løntakarar, árstíðarjavnað. Hetta eru 110 fleiri enn í desember, sum svarar til ein vøkstur upp á 0,4%. Sjálvt um tað hevur verið vøkstur í yvir trý ár, so er ferðin í vøkstrinum í løtuni tann hægsta.

Í januar 2014 vóru 23.653 løntakarar, og nú trý ár seinni eru tað yvir 2.000 fleiri. Í einum tíðarskeiði í 2007 og 2008 vóru tað nakað fleiri løntakarar enn tað eru nú, men heldur verandi gongd fram, so verður 2017 árið, har flest løntakarar vóru.

Færri í fiski- og alivinnuni

Løntakaratøl eftir vinnugrein eru ikki árstíðarjavnað, og tískil verður samanborið við sama tíðarskeið árini fyri.

Sjálvt um tað er av størsta vøkstri í løtuni, so eru tað færri løntakarar í fiski- og alivinnuni nú, enn tað var fyri einum ári síðani. Í januar í ár vóru tey 4.109, 13 færri enn januar í fjør.

Hinvegin er byggivinnan í serflokki, har tað vóru 3.601 løntakarar í januar 2017, 222 fleiri enn árið fyri, broytingin er 6,6%.

Í tali eru flest komin aftrat í almennari tænastu, har tað vóru 9.296 løntakarar í almennari tænastu í januar í ár, 244 fleiri enn í januar í fjør. Í prosentum er vøksturin 2,7%, áleið sum miðaltalið fyri allar vinnugreinar tilsamans.

Dagførd og útgreinað tøl eru tøk í hagtalsgrunninum

Stutt um árstíðarjavning og trendin

Árstíðarjavnað tøl eru reinsað fyri árstíðaravvik, sum t.d. afturvendandi sveiggið í virkseminum millum vár og summar, heyst og vetur. Hetta merkir, at til ber at hyggja eftir gongdini mánað fyri mánað, uttan at samanberingin verður órógvað av regluligum sveiggjum millum árstíðirnar.

Í trendinum er harumframt lagt upp fyri øðrum óreglusemi í mánaðarligu tølunum, og tá sæst tann undirliggjandi langtíðargongdin í løntakarunum.

Til ber at lesa meira um árstíðarjavning her

- Advertisment -

Most Popular

Fótbóltur 5 umfær -talva inni á greinini

HB førir í Betri deildini nú 5 umfør eru leikt. NSÍ og KÍ og B36 hava øll 12 stig, meðan HB hevur 15 stig.føra...

Hjálparpakki 4 verður nú settur í verk!

Hjálp, hjálp og aftur hjálp! Jú føroyingar eru, hesar Koronamerktu dagar, gestir í einum veruligum hjápargildi, har vit sjálvi eru vertir. Higartil hevur fólkið í...

Varaleiðari

Vit søkja eftir einum varaleiðara 40 tíma viku. (møguleiki er fyri færri tímum) at byrja 10.august 2020 ella eftir nærri avtalu. Arbeiðstíðin er vanliga...

Rørsla í Føroyum

ÍSF og Fólkaheilsuráðið ætla at fáa føroyingar at røra seg, og røra tit tykkum nóg nógv, kunnu tit vinna eitt vikuskifti í Mykinesi, sum...

Seneste kommentarer