24.FO
Home Fólk & Samfelag Søguligur sáttmáli við serlæknarnar

Søguligur sáttmáli við serlæknarnar

Eitt týðandi stig er nú tikið fyri at tryggja eina støðugari tilgongd av serlæknum í føroyska heilsuverkinum. Nýggi sáttmálin millum Fíggjarmálaráðið og Serlæknafelag Føroya hevur við sær, at tað bæði verður lættari at útvega og at fáa serlæknar at støðast í Føroyum.

“Nýggi sáttmálin við Serlæknafelagið er eitt veruligt frambrot. Hetta er fyrstu ferð, at Fíggjarmálaráðið og felagið hjá serlæknunum gera ein sáttmála. Søguligi sáttmálin tryggjar, at Føroyar gerast kappingarførar, tá umræður at fáa fleiri læknar í Føroyum. Vit hava í nógv ár havt eina ósmidliga og ótíðarhóskandi skipan, sum ikki í nóg stóran mun hevur kveikt hugin hjá serlæknum at flyta til Føroya. Eg vænti, at nýggi sáttmálin fer at gera tað lættari at fáa fleiri serlæknar til Føroya,” sigur Kristina Háfoss, landsstýriskvinna í fíggjarmálum.

Fleiri grundleggjandi broytingar eru gjørdar í sáttmálaviðurskiftunum millum Fíggjarmálaráðið og Serlæknafelag Føroya. Eitt nú verða serlæknar framyvir ikki settir sum tænastumenn.

“Tørvurin á fleiri serlæknum er millum størstu avbjóðingar, ið okkara heilsuverk stendur fyri. Átrokandi avbjóðingin verður ikki loyst uttan fleiri munandi átøk. Eg bæði vóni og vænti, at nýggi sáttmálin við serlæknafelagið er eitt týðandi fet rætta vegin,” sigur Sirið Stenberg, landsstýriskvinna í heilsu- og innlendismálum.

Nýggi sáttmálin millum Fíggjarmálaráðið og Serlæknafelag Føroya varð settur í gildi frá 1. februar 2017.

- Advertisment -

Most Popular

Børn og ung skulu hava frítíðarkort

 Vit vilja raðfesta børn og ung, gera tað lættari hjá øllum at gerast partur av frítíðarlívinum í kommununi og samstundis geva ein fíggarligan lætta...

Millum korona og pakkaloysnir í høvuðsstaðnum

Tíðargrein Óli M. Lassen, siviløkonomur Eg veri oftani spurdur um vit ikki skjótt fáa afturgongd í búskapinum og kemur ikki ein kreppa ?. Útsagnir sum...

Klaksvíkar kommuna og framtíðin

- rakstur, íløgur og langtíðarætlanir  Vinnuligur framburður við treystum íløguhugi í vinnuna hava skapt og skapa framvegis stóra framgongd í Klaksvík. Søgan vísir okkum á...

Føroyingar fáa CPR-nummar

Landsstýrið fer bæði at gera tað smidligari at samskifta við danskar myndugleikar og fáa atgongd til danskar skipanir. Í næstum verður eitt uppskot latið...

Seneste kommentarer