24.FO
Home Vinnutíðindi Neyðugt at styrkja viðurskiftini við Suðurkorea

Neyðugt at styrkja viðurskiftini við Suðurkorea

Greiða málið er at styrkja munandi um okkara viðurskifti við Suðurkorea.

Tað var boðskapurin hjá Kristinu Háfoss, landsstýriskvinnu í fíggjarmálum, tá ið hon í morgun var á fundi við Youngrok Choi, suðurkoreanska vararáðharran í skatta- og tollmálum.

Landsstýriskvinnan vísti millum annað, at málið hjá landsstýrinum er fáa ein fríhandilssáttmála í lag við Suðurkorea, sum er ein av størstu marknaðunum fyri fiskavørur. Føroyar hava rættiliga avmarkaðan útflutning til Suðurkorea. Fyrsta stigið er tí at lækka tollin á fiskavørum, so tað verður lættari hjá føroyskum útflytarum at selja sínar vørur til Suðurkorea.

Kristina Háfoss kunnaði eisini suðurkoreanska vararáðharran um føroyska búskapin, og at Føroyar nú eru sjálvstøðugur limur í Global Forum, har Suðurkorea eisini er limur.

Landsstýriskvinnan í fíggjarmálum er í dag vertur hjá suðurkoreanska vararáðharranum í skatta – og tollmálum. Tey skulu fyrrapartin hitta Vinnuhúsið, har Varðin Pelagic fer at hava eina framløgu.

Eftir tað vitja tey alifyritøkuna Bakkafrost.

 

 

- Advertisment -

Most Popular

Børn og ung skulu hava frítíðarkort

 Vit vilja raðfesta børn og ung, gera tað lættari hjá øllum at gerast partur av frítíðarlívinum í kommununi og samstundis geva ein fíggarligan lætta...

Millum korona og pakkaloysnir í høvuðsstaðnum

Tíðargrein Óli M. Lassen, siviløkonomur Eg veri oftani spurdur um vit ikki skjótt fáa afturgongd í búskapinum og kemur ikki ein kreppa ?. Útsagnir sum...

Klaksvíkar kommuna og framtíðin

- rakstur, íløgur og langtíðarætlanir  Vinnuligur framburður við treystum íløguhugi í vinnuna hava skapt og skapa framvegis stóra framgongd í Klaksvík. Søgan vísir okkum á...

Føroyingar fáa CPR-nummar

Landsstýrið fer bæði at gera tað smidligari at samskifta við danskar myndugleikar og fáa atgongd til danskar skipanir. Í næstum verður eitt uppskot latið...

Seneste kommentarer