24.FO
Home Vinnutíðindi Fiskivinna Nógv lús eystanfyri

Nógv lús eystanfyri

Magnus Heinason er just liðugur við fyrra partin av yvirlitstrolingini á føroyska landgrunninum. Regluligar magakanningar eru gjørdar síðan 1997 og eitt áhugavert fyribrigdi hendan túrin var tann stóra nøgdin av lús, sum var at finna í hýsumagum. Hetta skrivar Havstovan á heimasíðuni.

Orðið ”lús” er í dagligari talu millum fiskimenn eitt felagsheiti fyri nøkur ávís sløg av marflugum (Amphipoda: Tmetonyx cicada) og taralús (Isopoda: Idotea og Cirolana borealis). Hesi dýr eru tey somu, sum eta fisk, sum er deyður á línu. Hesi dýr halda vanliga til á 100-300 m dýpi og eta millum annað línufisk um náttina, serliga seint á sumri.

Hýsa plagar at eta smáar nøgdir av hesum dýrum, men í ár kom fyri, at hesi dýr vóru høvuðsføðin hjá hýsu á ávísum plássum eystanfyri. Eitt øvugt samband plagar at vera millum nøgd av hýsu og nøgd av hesum dýrum í hýsumagum.

Orsøkin til ta stóru nøgdina av lús kann vera, at hýsustovnurin hevur verið sera lítil í mong ár.

Frágreiðing um túrin sæst við at trýsta her.

 

 

Mynd 1. Isopoda (Idotea) í hýsumaga eystanfyri í august 2016.

 

Mynd 2. Amphipoda (Tmetonyx cicada) í hýsumaga eystanfyri í august 2016.
- Advertisment -

Most Popular

Føroyar og USA styrkja samstarvið

Jenis av Rana, landsstýrismaður í uttanríkis- og mentamálum, hevur í dag havt fund við amerikanska uttanríkisráðharran Mike Pompeo. Undir fundinum fegnaðust teir um góðu...

Eldur í bili í tunnilinum

Í kvøld umleið klokkan 20.30 kom eldur í ein bil í var á veg gjøgnum tunnilin millum Árnafjørð og Klaksvík. Nógvur roykur er frá...

Kommunuætlan til hoyringar

Kommunuætlanin fyri Tórshavnar kommunu árini 2020-2035 er til hoyringar, og tað er hon til 10. august í ár. Uppskotið til kommunuætlan ber til at lesa...

Stigvís avvenjing gevur besta úrslitið

Seinasta kanningin hjá Fólkaheilsuráðnum vísti at 18% av føroyingum omanfyri 18 ár roykja dagliga. Nógv, sum roykja, ynskja at leggja av. Men tað kann...

Seneste kommentarer