24.FO
Home Vinnutíðindi Fiskivinna Íslendingar eisini sett sær størri svartkjaftakvotu

Íslendingar eisini sett sær størri svartkjaftakvotu

Ísland hevur nú eisini sett sær eina størri svartkjaftakvotu í 2016. Upprunaliga ásetti Ísland sær eina kvotu upp á 126 tús. tons, sum svarar til tey 16,2 prosentini, ið Ísland átti eftir tí gamla svartkjaftabýtinum. Í kunngerð 4. apríl hevur íslendska Fiskistofan ásett, at svartkjaftakvotan í ár verður hækkað upp í 163.570 tons. Hetta eru 21 prosent av tilmælinum hjá ICES, sum í 2016 er upp á 776.391 tons. Hetta skrivar Felagið Nótaskip á heimasíðuni.

Frammanundan hava bæði ES, Noreg og Føroyar ásett sær størri kvotur í 2016, enn gamli býtislykilin hevði givið, og fer samlaða veiðan í ár upp um eina millión tons. Hetta er meira enn ein triðingur meira enn tilmælið.

Í 2015 eydnaðist tað ikki strandalondunum at semjast um býtið av svartkjaftakvotuni, tí ES og Føroyar halda seg eiga rætt til ein størri part av heildarkvotuni. Tað eydnaðist heldur ikki í ár at fáa semju um eitt býti, og tí áseta londini sínar kvotur hvørt í sínum lagi.

Kunnu fiska alt í føroyskum sjógvi

Íslendsk skip kunnu frítt fiska alla sína kvotu í føroyskum sjógvi, eisini kvotuna, ið nú er komin afturat. Í løtuni royna 9 íslendsk svartkjaftaskip í føroysku sjógvi.Tey royna saman við hinum skipunum heilt suður ímóti føroyska markinum. Tey landa í Íslandi. Higartil í ár hava íslendsk skip fiskað 60.000 tons í føroyskum sjógvi. Í 2015 var samlaða veiðan 193.000 tons.

Íslendingar eru hinvegin ikki líka so lagaligir við føroyingar. Teir seta sum krav, at ein partur av føroysku lodnukvotuni skal landast í Íslandi, og hóast tað í mong ár undir árligu fiskiveiðisamráðingunum hevur verið roynt at fáa hesa forðing burtur, so hevur tað ikki eydnast enn.

Grein Felagið Nótaskip http://www.notaskip.fo/news-islendingar+eisini+sett+saer+storri+svartkjaftakvotu.htm

 

 

- Advertisment -

Most Popular

Fótbóltur 5 umfær -talva inni á greinini

HB førir í Betri deildini nú 5 umfør eru leikt. NSÍ og KÍ og B36 hava øll 12 stig, meðan HB hevur 15 stig....

Hjálparpakki 4 verður nú settur í verk!

Hjálp, hjálp og aftur hjálp! Jú føroyingar eru, hesar Koronamerktu dagar, gestir í einum veruligum hjápargildi, har vit sjálvi eru vertir. Higartil hevur fólkið í...

Varaleiðari

Vit søkja eftir einum varaleiðara 40 tíma viku. (møguleiki er fyri færri tímum) at byrja 10.august 2020 ella eftir nærri avtalu. Arbeiðstíðin er vanliga...

Rørsla í Føroyum

ÍSF og Fólkaheilsuráðið ætla at fáa føroyingar at røra seg, og røra tit tykkum nóg nógv, kunnu tit vinna eitt vikuskifti í Mykinesi, sum...

Seneste kommentarer