Home Fólk & Samfelag Venjing í Hovstunlinum

Venjing í Hovstunlinum

by OML

Sum liður í tilbúgvingini hjá Landsverki varð skipað fyri eini venjing í Hovstunlinum seinnapartin í dag. Fleiri myndir á greinini.

politi-ferðsla-venjing-hovdstunnilin2016-lvEndamálið við venjingini var at royna deilætlanirnar hjá teimum ymisku pørtunum og samskiftið og -starvið partanna millum.
Tey, ið luttóku í sjálvari venjingini vóru Tvøroyrar Sløkkilið, Vágs Sløkkilið, Ambulansatænastan á Suðuroyar Sjúkrahúsi, Politiið og Landsverk. Tyrlan hjá Atlansflogi var eisini við í venjingini.
Harafturat luttóku eygleiðarar frá Politinum, Ambulansutænastuni, umboð fyri Sløkkiliðini og Landsverki.
Næmingar frá Heilsuskúla Føroya og Miðnámsskúlanum í Hovi vóru statistar.
Tað vóru tveir minibussar, ið rendu saman inni í tunlinum. Óhappið hendi mitt í tunlinum, og fleiri fólk fingu skaða.
Ein eftirmeting av venjingini verður gjørd seinni.
Her eru nakrar myndir frá venjingini:


Landsstýrismaðurin í samferðslumálum, Henrik Old, eygleiðir venjingina saman við deildarleiðaranum fyri Infrakervi á Landsverki, Armgarð E. Steinhólm, samskiparanum av tilbúgvingini á Landsverki Jákup N Olsen. Uttast til høgru stendur Niels Erik N. Jensen, chef politi inspektørur.

Tunnilin var stongdur seinnapartin, meðan venjingin fór fram.


Næmingar frá Heilsuskúlanum og Miðnámsskúlanum í Hovi vóru statistar í venjingini.

Nógv fólk luttaka í slíkari venjing.

Kelda og myndir LV

You may also like

This website uses cookies. By continuing to use this site, you accept our use of cookies.