24.FO
Home Fólk & Samfelag Politikkur Nú mótmæla arbeiðarafeløgini eisini

Nú mótmæla arbeiðarafeløgini eisini

Javnaðarflokkurin og Tjóðveldi vunnu valið við at endurtaka uppí saman og uppí saman aftur,  at vit skuldu hava eitt rættvísari samfelag. Nú skuldi  ríkidømi í havinum  út í hvønn krók í landinum.

Síðani valið hava vit sæð mótmæli omaná  mótmæli móti politikkinum hjá sitandi samgongu.  Mótmælini  eru komin allastaðni frá, frá  pensionistum, sjófólki, manningarfeløgum, lesandi og nú mótmælir Klaksvíkar arbeiðarafelag eisini.

Tað má vera lagnunnar speisemi, at nú mótmælir sjálvt  arbeiðarin  politikkinum hjá javnaðarflokkinum og tjóðveldi.  Flokkunum, sum siga seg hava  arbeiðaran í sínum hjarta. Hvat meinti formaður javnaðarflokksins  við eitt rættvísari og javnari samfelag. Rættvísari og javnari fyri hvønn ? arbeiðaran ? fiskimannin, útróðrarmannin ?  pensionistin ? tey lesandi ?

Um uppboðssølan verður samtykt,  kunnu vit so vænta, at  næsta trekkið hjá javnaðarflokkinum verður,  at tann sum kann gjalda mest fyri at fáa eitt alment starv, fær tað ?  Ikki bara einaferð, men hvørja ferð uppboðssølan verður ?

Er hetta veruliga  rættvísið hjá javnaðarflokkinum, tjóðveldi og framsøkn, sum teir greiddu fólkinum frá áðrenn valið ?

Álvaratos sær samgongan ikki øll tey reyðu ljósini og allar ávaringarnar ?  skilir hon ikki álvaran ? Fjøldin hevur nú stórt sæð rópt varskó, síðan samgongan kom til.

Nú átti  samgongan at  lurta eftir fólkinum og tikið  tað til eftirtektar, sum fólkið sigur og ikki ignorera meir.

Elsebeth Mercedis Gunnleygsdóttur

Løgtingskvinna

- Advertisment -

Most Popular

Húsarhaldsskúlin

Tað verður sera vakurt og hugnaligt at búgva í Klaksvík tá lív kemur í miðbýin og lív kemur kring Húsarhaldsskúlan. Sum myndin vísur so...

Rentan á orku- og elbillánum lækkar niður í 1,75 %

Frá 1. oktober 2020 lækkar rentan á orku- og elbillánum niður í 1,75%. Ítøkiliga merkir hetta, at eitt húsarhald, sum hevur lán til ein...

Børn og ung skulu hava frítíðarkort

 Vit vilja raðfesta børn og ung, gera tað lættari hjá øllum at gerast partur av frítíðarlívinum í kommununi og samstundis geva ein fíggarligan lætta...

Millum korona og pakkaloysnir í høvuðsstaðnum

Tíðargrein Óli M. Lassen, siviløkonomur Eg veri oftani spurdur um vit ikki skjótt fáa afturgongd í búskapinum og kemur ikki ein kreppa ?. Útsagnir sum...

Seneste kommentarer