Home Fólk & Samfelag Nýggjur leiðari fyri Infrakervi á Landsverki

Nýggjur leiðari fyri Infrakervi á Landsverki

Landsverk hevur í dag sett  Armgarð E. Steinhólm í starv sum deildarleiðara fyri Infrakervi. 

Síðani Heini Eysturoy fór úr starvinum sum deildarleiðari fyri Infrakervi 1. juni í fjør, hava tey bæði Armgarð E. Steinhólm, planleiðari, og Mikkel H. Frandsen, rakstrarleiðari, fyribils tikið sær av at røkja leiðsluuppgávuna á deildini.

Herfyri søkti stovnurin alment eftir leiðara til deildina. Seks umsóknir komu inn, og setanarbólkurin hevur í dag kunngjørt, at tað er 48 ára gamla Armgarð E. Steinhólm, sum er sett í starvið.

Armgarð E. Steinhólm, ið er útbúgvin sivilverkfrøðingur frá DTU, byrjaði sum verkfrøðingur á Vegadeildini á Landsverki í 2005. Í 2007 gjørdist hon leiðari fyri Ferðsludeplinum á Vegadeildini, og seinastu árini hevur hon verið planleiðari á deildini fyri Infrakervi.

Nýggi leiðarin fyri Infrakervi gleðir seg til at fara undir nýggju avbjóðingarnar.

– Eg haldi Landsverk vera eitt spennandi arbeiðspláss við dugnaligum starvsfólkum. Her eru nógvar viðkomandi uppgávur, bæði størri og smærri, ið síggjast aftur í samfelagnum. Vit gera mun í gerandisdegnum hjá sera nógvum fólkum, sigur Armgarð E. Steinhólm.

Armgarð E. Steinhólm byrjar í leiðarastarvinum 1. mai.

Kelda & mynd LV.FO
- Advertisment -

Most Popular

31. mai Altjóða roykfríur dagur

Í sambandi við Altjóða roykfría dagin, sum er 31. mai, vilja vit varpa ljós á okkara SMS-skipan "Kom og legg av". Fólkaheilsuráðið Filmur Í sambandi við Altjóða...

Ferðavinnufyritøkur kunnu fáa stuðul

Helgi Abrahamsen, landsstýrismaður í vinnumálum, fer nú í Løgtingið við einum hjálparpakka til ferðavinnuna.   Samstundis er greitt, at tann 15. juni ber aftur til at...

STARVSFÓLK Á ELDRAØKINUM KANNAÐ FYRI COVID-19

28 mai vórðu nøkur av starvsfólkunum hjá Norðoya Bú- og Heimatænastu kannað fyri COVID-19. Kanningarnar verða gjørdar í samstarvi við Heilsufrøðiligu Starvsstovuna og Pál...

Hvagar eru vit á veg?

Orðafellið ‘eingin veit á morgni at siga, hvar hann á kvøldi gistir’ sprettir óivað av lívsroyndum í einum samfelag, sum í øldir hevur verið...

Seneste kommentarer