Home Heim & Frítíð Fernisering í Mentamálaráðnum "Úr øllum ættum koma myndir"

Fernisering í Mentamálaráðnum “Úr øllum ættum koma myndir”

 

Anna Kathrina Højgaard, fødd úti á Reyni í 1954, letur upp forvitnisliga framsýning við fotomyndum í Mentamálaráðnum mikudagin tann 9. mars kl. 15.00 – 17.00.

Heitið á framsýningini er “Úr øllum ættum koma myndir”, og er tað við íblástri frá sanginum hjá Rasmusi Effersøe “Úr øllum ættum koma vindar”, sum tann dag í dag liggur djúpt í okkum føroyingum. Heitið lýsir framsýningina væl, tí veðrið hevur á ymiskan hátt stóran leiklut á flestu myndunum.

Anna Kathrina fór eftir lokið realprógv í ljósmyndalæru hjá Bambusi (Svend Poulsen) í Havn, har hon var í 2 ár, áðrenn hon fór niður til Danmarkar og gjørdi sína útbúgving lidna, t.v.s. tvey og eitt hálvt ár lærdi hon hjá donskum andlits- og reklamumyndatakarum.

Serliga er tað tíðin í Danmark, ið kom at mynda Onnu Kathrinu og hennara myndir nógv, tí  mitt í 70’unum komu nógv progressiv rák innan ljósmyndalistina. Eftir at hava lært alt grundleggjandi innan tað at taka myndir, so sum ljóslegging og ikki minst myrkakamararbeiði heima í Føroyum, fekk Anna Kathrina nýggjar og størri veingir av at síggja og læra nakað annað uttanlands. Hon bleiv liðug við meistaralæruna í 1975. Í Danmark arbeiddi Anna Kathrina eisini eitt skifti sum modell meðan hon var í læru, og lærdi hon sum myndatakari at súgva vitan til sín, tí tað vóru teir fremstu móta- og reklamumyndatakarar, ið hon arbeiddi fyri.

Anna Kathrina ynskti tó altíð at koma heim til Føroya aftur, og hevur hon síðan arbeitt sum freelance saman við t.d. teknistovuni hjá Ingvør Nólsøe í nógv ár. Hon hevur havt framsýningar eitt nú í Smiðjuni í Lítluvík, á Várframsýningum,  í Danmark og á Ólavsøkuframsýningum.

Eisini fekk Anna Kathrina stóran áhuga fyri grafikki, sum á nógvar mátar ikki liggur fjart frá minimalistiskum fotohátti. Til ferniseringina verður tónleikur við Bo Isholm at hoyra, og eru øll vælkomin.

Mentamálaráðið, 7. mars 2016

 

- Advertisment -

Most Popular

Takið uppsøgnirnar aftur:

Eru einar Koronafríar Føroyar ikki ein góð søluvøra? Mæli til, at uppsagnirnar av øllum fólkum hjá AA og FAE verða trektar aftur beinanvegin. Og at...

Ferðslan á sama støði aftur

Síðani løgmaður setti samfelagið upp í ferð aftur fyri góðum mánaði síðani, er ferðslan spakuliga vaksin aftur, men tað var ikki fyrr enn í...

31. mai Altjóða roykfríur dagur

Í sambandi við Altjóða roykfría dagin, sum er 31. mai, vilja vit varpa ljós á okkara SMS-skipan "Kom og legg av". Fólkaheilsuráðið Filmur Í sambandi við Altjóða...

Ferðavinnufyritøkur kunnu fáa stuðul

Helgi Abrahamsen, landsstýrismaður í vinnumálum, fer nú í Løgtingið við einum hjálparpakka til ferðavinnuna.   Samstundis er greitt, at tann 15. juni ber aftur til at...

Seneste kommentarer