Norðoya Sparikassi hevur sett tveir nýggjar deildarleiðarar

Kelda & mynd ns.fo

356
Úr vinstru: Tummas Martin Sólsker, vinnukundaleiðari, Marner Mortensen, stjóri og Elsuba Poulsen, kredittleiðari

Norðoya Sparikassi hevur sett tveir nýggjar deildarleiðarar, har annar er settur sum leiðari á kredittdeildini og hin sum leiðari  á vinnukundadeildini.

Nýggi leiðarin á kredittdeildini er Elsuba Poulsen, sum seinastu tíggju árini hevur starvast sum vinnukundaráðgevi í Jyske Bank, í Keypmannarhavnar økinum.

Elsuba Poulsen hevur lisið HD í fígging á CBS.

Nýggi leiðarin á vinnukundadeildini er Tummas Martin Sólsker, sum byrjaði sum næmingur í sparikassanum í 2003 og síðani 2006 hevur starvast á vinnukundadeildini sum ráðgevi.

Tummas Martin Sólsker hevur lisið HD í roknskapi og búskaparstýring á handilsháskúlanum í Aarhus.