Home Fólk & Samfelag LOOKNORTH UNDIRSKRIVAÐ KEYPSAVTALU UM VINNUØKIÐ Á BORÐOYARVÍK

LOOKNORTH UNDIRSKRIVAÐ KEYPSAVTALU UM VINNUØKIÐ Á BORÐOYARVÍK

Talan er um grundøki á uml. 8.600 m2, sum liggur í øki B1, ið er ídnaðarøki sunnanfyri bátahylin á Borðoyarvík.

Looknorth hevur verið í støðugari menning seinnu árini. Í 2011 varð virkið bygd út, soleiðis at tað gjørdist tvífalt so stórt, sum tað hevði verið frammanundan. Nú er so ítøkiligar ætlanir um ein nýggjan bygning á nýggja vinnuøkinum við Borðoyarvík. Sostatt verður nýggi bygningurin nærum aftur tvífalt so stórur sum núverandi virkisbygningur, góðar 4,500 m2.

Árni Skaale, eigari og stjóri, sigur, at tey arbeiða alla tíðina við at menna nýggjar framleiðslur og vørur. Nýggja virkið fer at skapa góðar fortreytir fyri víðari menning av virkseminum.

Árni Skaale vann heiðurin sum ársins íverkseti í 2017, og kann tað framhaldandi staðfestast, at Looknorth er frammarliga, tá tað snýr seg um, at fara undir nýggjar verkætlanir.

Í hesum døgum er J & K Petersen í ferð við at útstykkja 15.000 fermetrarnar til nýtt vinnuøki, sum skal standa liðugt komandi ár. Í næstum fer Klaksvíkar kommuna at bjóða út fleiri vinnuøki við Borðoyarvík.

Tummas Lervig, formaður fyri Havna- og vinnunevndina, er fegin um, at vinnufyritøkur í býnum vilja byggja nýtt og trúgva uppá framtíðina.

– Vit gleðast um, at hendan avtalan í dag er undirskrivað, tí hetta er bert byrjanin til nýggja vinnuøki hjá Klaksvíkar kommunu, sum í næstum fer at útvega enn fleiri vinnuøkið við Borðoyarvík, sigur Tummas Lervig.

- Advertisment -

Most Popular

Hvagar eru vit á veg?

Orðafellið ‘eingin veit á morgni at siga, hvar hann á kvøldi gistir’ sprettir óivað av lívsroyndum í einum samfelag, sum í øldir hevur verið...

Landsstýrismaðurin fingið talgilda Samleikan

Jørgen Niclasen fer nú undir at royndarkoyra talgilda Samleikan saman við 100 øðrum føroyingum. Í heyst kunnu allir føroyingar brúka skipanina. Talgildu Føroyar seta nú...

Skúlabygningurin liðugur og klárur at taka nýtslu

Eg eri ómetaliga glaður um, at vit nú kunnu bjóða næmingum, starvsfólkum og foreldrum í Klaksvíkar kommunu innaftur undir sama tak í ein spildurnýggjan,...

Eru játtanir til Klaksvíkar Sjúkrahús horvnar

Í 2018 vórðu 6 mió. kr. játtaðar til endurvenjing (neurorehabiliterning) á Klaksvíkar Sjúkrahúsi, og somuleiðis tvíhildu løgtingslimir um, at aðrar 15 mió. kr., ið...

Seneste kommentarer