lørdag, juni 6, 2020
Home Vinnutíðindi Fiskivinna Higartil áleið sama nøgd av botnfiski sum í fjør

Higartil áleið sama nøgd av botnfiski sum í fjør

 Avreiðingarnar tilsamans av botnfiski eru áleið tær somu fyrstu 7 mánaðirnar í ár, samanborið við sama tíðarskeið í fjør. Fyri einstøku fiskasløgini av týdningi eru smærri broytingar.  Nakað tað sama er avreitt av hýsu, 7% minni av toski, meðan nøgdin av upsa er vaksin góð 2 túsund tons ella  16%. Hetta skrivar Hagstova Føroya.

Av øðrum botnfiski kann nevnast, at nøgdin av kongafiski er vaksin munandi í ár – úr góðum 500 tonsum upp í smá 1400 tons – ein vøkstur á 138% í ár í mun til í fjør. Av flatfiski er nøgdin tilsamans minkað 19%, og er tað svartkalvin, sum er minkaður ein fjórðing í mun til í fjør.

Avreiðingarvirðið er tilsamans eitt vet lakari enn í fjør. Sjálvt um nakað væl meira er avreitt av upsa í ár, er virðið minkað 11%, samanborið við í fjør.

Myndin og talvan niðanfyri samanber avreiðingarnar januar-juli í ár við sama tíðarskeið undanfarin ár. Tað sæst, at feskfiskaveiðan enn er lág, og seinastu fimm árini at kallað sama nøgd er avreidd.  Higartil í ár er nøgdin áleið til helvtar av tí, hon var sama tíðarskeið árini 2004-2007. Fara vit longur aftur sæst á myndini, at botnfiskaveiðan enntá nú fimta árið á rað er niðan fyri ringu støðuna í kreppuárunum fyrst í 90-unum.

Viðmerking: Avreiðingar av feskfiski er uppgjørt í landaðari vekt, tvs. tað verður ikki lagt upp fyri, at nakað verður avhøvdað, annað kruvt og uppaftur annað bara ísað runt/óviðgjørt. Tað mesta er ísaður fiskur, tó eru tað nøkur skip, sum frysta umborð. Havast skal í huga, at avreiðingarnar siga einki um, hvussu stór royndin hevur verið.

Nýggjastu avreiðingartølini fyri eru nú tøk í hagtalsgrunninum. Har eru meira útgreinaðar upplýsingar, bæði á fiskaslag, nýttan reiðskap og keyparabólkar.

- Advertisment -

Most Popular

Hjálparpakki 4 verður nú settur í verk!

Hjálp, hjálp og aftur hjálp! Jú føroyingar eru, hesar Koronamerktu dagar, gestir í einum veruligum hjápargildi, har vit sjálvi eru vertir. Higartil hevur fólkið í...

Varaleiðari

Vit søkja eftir einum varaleiðara 40 tíma viku. (møguleiki er fyri færri tímum) at byrja 10.august 2020 ella eftir nærri avtalu. Arbeiðstíðin er vanliga...

Rørsla í Føroyum

ÍSF og Fólkaheilsuráðið ætla at fáa føroyingar at røra seg, og røra tit tykkum nóg nógv, kunnu tit vinna eitt vikuskifti í Mykinesi, sum...

Námsfrøðingar

Vit søkja eftir 3 námsfrøðingum at byrja 10.august 2020, ávíkavist 1 námsfrøðing á 40 tímar um vikuna (møguleiki fyri niðursetta tíð) 1 námsfrøðing á 30 tímar...

Seneste kommentarer