Home Fólk & Samfelag Politikkur Andstøðan máar grundarlagið undan landsstýrismálanevndini

Andstøðan máar grundarlagið undan landsstýrismálanevndini

Kelda:lms.fo

KÆRUMÁL: Løgmaður hevur ikki í hyggju at fylgja niðurstøðuni hjá andstøðutinglimunum í landsstýrismálanevndini av teirri einfaldu orsøk, at hon als ikki tekur faklig atlit, men einans politisk atlit.

Við bara at taka politisk atlit máa andstøðulimirnir í landsstýrismálanevndini grundarlagið undan landsstýrismálanevndini. Tað heldur løgmaður, nú landsstýrismálanevndin hevur gjørt niðurstøðu í máli, har løgmaður er kærdur fyri at hava sett lóggávuna til viks í sambandi við niðurstøðu um, at § 14, stk. 2 í hjúnalagslógini er yvirtikin.

“Tað er sera óheppið, at andstøðulimirnir í landsstýrismálanevndini ikki fylgja løgfrøðisligu ráðgevingini, sum greitt vísir, at lógarheimild er, ið gevur løgmanni rætt at lýsa § 14, stk. 2 at vera yvirtikið. Tað er óhoyrt, at landsstýrismálanevndin, ið hevur til uppgávu at hava rættarliga eftirlitið við løgmanni og landsstýrisfólkum, ikki fylgir løgfrøðiligu ráðgevingini,” heldur Aksel V. Johannesen, løgmaður.

Løgmaður hevur ikki í hyggju at fylgja niðurstøðuni hjá andstøðutinglimunum í landsstýrismálanevndini av teirri einfaldu orsøk, at hon als ikki tekur faklig atlit, men einans politisk atlit.

“Eg fari ikki at ganga ímóti løgfrøðiligu ráðgevingini hjá Løgmansskrivstovuni, danska forsætismálaráðnum, kirkjumálaráðnum, barna- og sosialmálaráðnum, løgtingsfyrisitingini og løgfrøðiligu ráðgevingini hjá landsstýrismálanevndini. Tað havi eg eisini gjørt greitt í mínum hoyringarskrivi til landsstýrismálanevndina,” sigur løgmaður.

Løgmaður sendi fyrrapartin sítt ummælisskriv til landsstýrismálanevndina.

Tað kann lesast her

- Advertisment -

Most Popular

Hvagar eru vit á veg?

Orðafellið ‘eingin veit á morgni at siga, hvar hann á kvøldi gistir’ sprettir óivað av lívsroyndum í einum samfelag, sum í øldir hevur verið...

Landsstýrismaðurin fingið talgilda Samleikan

Jørgen Niclasen fer nú undir at royndarkoyra talgilda Samleikan saman við 100 øðrum føroyingum. Í heyst kunnu allir føroyingar brúka skipanina. Talgildu Føroyar seta nú...

Skúlabygningurin liðugur og klárur at taka nýtslu

Eg eri ómetaliga glaður um, at vit nú kunnu bjóða næmingum, starvsfólkum og foreldrum í Klaksvíkar kommunu innaftur undir sama tak í ein spildurnýggjan,...

Eru játtanir til Klaksvíkar Sjúkrahús horvnar

Í 2018 vórðu 6 mió. kr. játtaðar til endurvenjing (neurorehabiliterning) á Klaksvíkar Sjúkrahúsi, og somuleiðis tvíhildu løgtingslimir um, at aðrar 15 mió. kr., ið...

Seneste kommentarer