Home Vinnutíðindi Fiskivinna Fiskivinnunýskipanin til almenna hoyring mánadagin

Fiskivinnunýskipanin til almenna hoyring mánadagin

Kelda & mynd: lms.fo

FISKIVINNUNÝSKIPAN: Komandi mánadag fer samgongan at leggja sítt uppskot um fiskivinnunýskipan fram alment. Tað verður á einum tíðindafundi.

Uppskotið hjá samgonguni um fiskivinnunýskipan verður ikki lagt fyri Løgtingið í dag. Tað hava teir tríggir floksformenninir í samgonguni avgjørt.

Fyri at tryggja opinleika um týðandi nýskipanina og at allar mannagongdir verða fylgdar, er ráðiligast, at fiskivinnunýskipanin bæði fer til almenna hoyring og lógareftirkanning, áðrenn hon verður latin Løgtinginum.

Seinastu tíðina hevur landsstýrið verið í samráðingum við Sambandsflokkin um eina nýggja fiskivinnunýskipan. Samráðingarnar hava higartil ikki borið á mál.

Samgongan vónar framvegis, at ein breið semja kann røkkast um nýskipanina, men tá ið samráðingarnar ikki eru bornar á mál,  er hon farin undir at leggja seinastu hond á sítt egna uppskot um fiskivinnunýskipan.

Komandi mánadag fer samgongan at leggja sítt uppskot um fiskivinnunýskipan fram alment. Tað verður á einum tíðindafundi. Beint eftir tíðindafundin verður uppskotið sent til ummælis hjá avvarðandi pørtum.

Samgongan og Sambandsflokkurin hava gjørt semju um, at bæði uppskotið hjá samgonguni og Sambandsflokkinum verða borin í Løgtingið við 17 undirskriftum, sum er mannagongdin, tá ið evsta mark er farið.

Vegna landsstýrið

Aksel V. Johannesen, løgmaður.

Høgni Hoydal, landsstýrismaður í fiskivinnumálum.

Poul Michelsen, landsstýrismaður í uttanríkis- og vinnumálum.

- Advertisment -

Most Popular

Hvagar eru vit á veg?

Orðafellið ‘eingin veit á morgni at siga, hvar hann á kvøldi gistir’ sprettir óivað av lívsroyndum í einum samfelag, sum í øldir hevur verið...

Landsstýrismaðurin fingið talgilda Samleikan

Jørgen Niclasen fer nú undir at royndarkoyra talgilda Samleikan saman við 100 øðrum føroyingum. Í heyst kunnu allir føroyingar brúka skipanina. Talgildu Føroyar seta nú...

Skúlabygningurin liðugur og klárur at taka nýtslu

Eg eri ómetaliga glaður um, at vit nú kunnu bjóða næmingum, starvsfólkum og foreldrum í Klaksvíkar kommunu innaftur undir sama tak í ein spildurnýggjan,...

Eru játtanir til Klaksvíkar Sjúkrahús horvnar

Í 2018 vórðu 6 mió. kr. játtaðar til endurvenjing (neurorehabiliterning) á Klaksvíkar Sjúkrahúsi, og somuleiðis tvíhildu løgtingslimir um, at aðrar 15 mió. kr., ið...

Seneste kommentarer