24.FO
Home Vinnutíðindi Fiskivinna Uppboðssøla elvir til minni virðisøking

Uppboðssøla elvir til minni virðisøking

Fiskimannafelagið

Javnan hoyri eg ávísar búskaparfrøðingar siga, at uppboðssøla av fiskirættindum (kvotum ella fiskidøgum) fer at skunda undir virðisøkingina. Hetta tí tað verður umráðandi at fáa sum mest burtur úr dýrt keypta tilfeinginum.

Hesum eri eg als ikki samdur í. Tvørturímóti. Tí fyri at virðisøkja er neyðugt við íløgum í dýra útgerð, og hvør fer at gera stórar íløgur í útgerð, tá ein ongantíð veit, um tað yvirhøvur fer at eydnast at sleppa upp í part á uppboðssøluni?

Nei, reiðarar fara at velja tær tryggu loysnirnar, og tað eru bílig skip, sum bara eru effektiv á einum øki, nevniliga við lítlari manning at fáa fiskin upp úr sjónum í so stórum mongdum sum gjørligt, so skjótt sum gjørligt.

Vilja vit virðisøking á sjónum, so krevst ein nøkunlunda trygd fyri, at rávøran er har, áðrenn íløgur í tól og útgerð verða gjørdar.

Og tað eru treytir, tengdar at hvørjum einstøkum fiskiloyvi, sum skulu tryggja, at virðisøkingin yvirhøvur verður framd.

Hetta er tað, sum uppskotið hjá Føroya Fiskimannafelag um fiskivinnunýskipan snýr seg um. Tað uppskotið almannakunngjørdu vit fyri trimum vikum síðani, og kann tað lesast her.

Axel Hansen
nevndarlimur, Føroya Fiskimannafelag

- Advertisment -

Most Popular

Børn og ung skulu hava frítíðarkort

 Vit vilja raðfesta børn og ung, gera tað lættari hjá øllum at gerast partur av frítíðarlívinum í kommununi og samstundis geva ein fíggarligan lætta...

Millum korona og pakkaloysnir í høvuðsstaðnum

Tíðargrein Óli M. Lassen, siviløkonomur Eg veri oftani spurdur um vit ikki skjótt fáa afturgongd í búskapinum og kemur ikki ein kreppa ?. Útsagnir sum...

Klaksvíkar kommuna og framtíðin

- rakstur, íløgur og langtíðarætlanir  Vinnuligur framburður við treystum íløguhugi í vinnuna hava skapt og skapa framvegis stóra framgongd í Klaksvík. Søgan vísir okkum á...

Føroyingar fáa CPR-nummar

Landsstýrið fer bæði at gera tað smidligari at samskifta við danskar myndugleikar og fáa atgongd til danskar skipanir. Í næstum verður eitt uppskot latið...

Seneste kommentarer