24.FO
Home Fólk & Samfelag Søla av lendi til fjølbroytta bústaðabygging

Søla av lendi til fjølbroytta bústaðabygging

klaksvik.fo 29-09-2016

Sambært kunngerð nr. 122 frá 22. desember 2000 um alment útboð av fastari ogn lýsir Klaksvíkar Kommuna eitt øki Millum Hjalla uppá 3007 m² til sølu til raðhúsabygging ella íbúðir.

Økið liggur uppat kommunalum vegi í nýggjari kommunalari útstykking við tilsamans 47 sethúsagrundøkjum, og umfatar henda útbjóðing 6 óútgrivin grundøkir (matr.nr. 1006bn, 1006bm, 1006bl, 1006bk, 1006bi og 1006bh), sum verða seld undir einum – sum ein samanhangandi eind.
Klaksvíkar Kommuna rindar fyri samanlegging av grundøkjunum til ein matrikul, meðan keyparin rindar fyri sundurbýti samsvarandi viðkomandi byggiætlan.

Talan er um staðseting í útstykkingarøki, har vanligi kommunali søluprísurin er kr. 380,- / m² og við m.a. hesari byggisamtyktarligu ásetingini:
Minstavídd pr. samanbygd hús ella íbúðir: 200 m²
Ábygging í mesta lagi: 35%
Tal av hæddum í mesta lagi: 3
Byggilinja til veg: 3 metrar
Parkeringspláss í minsta lagi: 2 pr. grundøki

Keyparanum stendur frítt at skipa økið og ábygging innanfyri karmarnar í byggisamtyktini.

Økið verður latið við atkomu frá kommunalum vegi viðíbinding í kommunala spillvatnsskipan og vatnveiting.

Saman við tilboðnum skal sendast frágreiðing um og skitsa av ætlaðari bygging.

Upplýsingar um økið og treytir annars fáast á Teknisku Umsiting telefon 410000.

Við heimild í § 6 í somu kunngerð stendur tað kommununi frítt at velja millum innkomin tilboð ella onki at taka.

Møgulig tilboð skulu vera skrivlig og skulu vera Klaksvíkar Kommunu í hendi seinasta lagi 14. okt 2016.

Innkomin tilboð verða viðgjørd í trúnaði, inntil ognin er seld.

Klaksvík 29. sep 2016
Klaksvíkar Kommuna

- Advertisment -

Most Popular

Fótbóltur 5 umfær -talva inni á greinini

HB førir í Betri deildini nú 5 umfør eru leikt. NSÍ og KÍ og B36 hava øll 12 stig, meðan HB hevur 15 stig....

Hjálparpakki 4 verður nú settur í verk!

Hjálp, hjálp og aftur hjálp! Jú føroyingar eru, hesar Koronamerktu dagar, gestir í einum veruligum hjápargildi, har vit sjálvi eru vertir. Higartil hevur fólkið í...

Varaleiðari

Vit søkja eftir einum varaleiðara 40 tíma viku. (møguleiki er fyri færri tímum) at byrja 10.august 2020 ella eftir nærri avtalu. Arbeiðstíðin er vanliga...

Rørsla í Føroyum

ÍSF og Fólkaheilsuráðið ætla at fáa føroyingar at røra seg, og røra tit tykkum nóg nógv, kunnu tit vinna eitt vikuskifti í Mykinesi, sum...

Seneste kommentarer