24.FO
Home Fólk & Samfelag Útbygging á havnarlagnum

Útbygging á havnarlagnum

Tað hevur leingi ligið í kortunum, at tørvur er á útbygging við Runavíkar havn. Stutt eftir at sitandi býráð tók við politisku leiðsluni árskiftið 2012/2013, var farið undir at gera eina 10-ára íløguætlan fyri Runavíkar kommunu. Ein av nógvum pørtum í hesi ætlan er útbygging á havnarlagnum.

Í fyrsta lagi hevur tað snúð seg um at knýta bryggjurnar saman undir Høgabóli í Saltangará. Á gerandismáli at knýta Oljubryggjuna og Beta bryggjuna saman. Longdin harímillum er á leið 220 metrar, og ætlanin er, at har skal vera skipum tryggjað eitt dýpið á 12 metrar.

Royndir í vár vístu, at tað vóru ikki fullir 12 metrar á øllum teininum, tí varð avgerð tikin um at dýpa tað sum neyðugt var, og saman við hesum avráddi kommunan at gera dýpingina framvið bryggjuni á Bakka á Glyvrum lidna soleiðis, at skipum har er tryggjað 8 metra dýpi framvið øllum bryggjukantinum og væl tað.

Spf. Rókin átti lægsta boðið nú dýpingin varð bjóðað út og fer undir arbeiðið í næstum. Tilboðið var slakar 3 milliónir krónur fyri báðar dýpingarnar, undir Høgabóli og á Bakka. Á fíggjarætlanini 2016 eru 8 mió. kr. settar av til havnabygging.

Mánaðarskiftið august/september skulu tilboðini vera inni uppá sjálva havnargerðina – at knýta umrøddu bryggjur saman.

- Advertisment -

Most Popular

Børn og ung skulu hava frítíðarkort

 Vit vilja raðfesta børn og ung, gera tað lættari hjá øllum at gerast partur av frítíðarlívinum í kommununi og samstundis geva ein fíggarligan lætta...

Millum korona og pakkaloysnir í høvuðsstaðnum

Tíðargrein Óli M. Lassen, siviløkonomur Eg veri oftani spurdur um vit ikki skjótt fáa afturgongd í búskapinum og kemur ikki ein kreppa ?. Útsagnir sum...

Klaksvíkar kommuna og framtíðin

- rakstur, íløgur og langtíðarætlanir  Vinnuligur framburður við treystum íløguhugi í vinnuna hava skapt og skapa framvegis stóra framgongd í Klaksvík. Søgan vísir okkum á...

Føroyingar fáa CPR-nummar

Landsstýrið fer bæði at gera tað smidligari at samskifta við danskar myndugleikar og fáa atgongd til danskar skipanir. Í næstum verður eitt uppskot latið...

Seneste kommentarer