14 C
Munich
torsdag, oktober 21, 2021

Kynslig brotsverk á breddan

Must read

Neyðugt er við greiðari lóggávu, tá tað ræður um kynslig brotsverk. Tí arbeiðir landsstýrið í løtuni við at dagføra revsilógina. Aksel V. Johannesen, løgmaður, hevur lagt málið fyri landsstýrið og hevur fingið undirtøku fyri at arbeiða við málinum.

-Harðskapur móti kvinnum er ein heimsumfatandi trupulleiki. Tað er eisini ein stórur trupulleiki í Føroyum. Tað er skakandi at hoyra um mongu føroysku kvinnurnar, sum seinastu dagarnar hava havt dirvi til at fortelja sína søgu um kynsligan ágang og neyðtøku. Landsstýrið tekur trupulleikan í størsta álvara, sigur Aksel V. Johannesen, sum umsitur lógarmál í landsstýrinum.

Løgmaður arbeiðir við at broyta fleiri ásetingar í revsilógini um kynslig brotsverk. Broytingarnar hava í høvuðsheitum við sær, at:

  • Reglurnar um neyðtøku verða víðkaðar til eisini at fevna um samlegu við ólógligum tvingsli og at útnytta eina hjálparleysa støðu hjá órættaða umframt samlegu við barn undir 12 ár.
  • Persónur, sum er dømdur fyri seksuelt misbrúk av børnum, kann fáa álagt ikki at seta seg í samband við børn, sum viðkomandi ikki kennir, gjøgnum alnótina.
  • Fyrningarfreistin fyri revsiábyrgd fyri seksuelt misbrúk av børnum byrjar frá tí degi, tá órættaði fyllir 21 ár. Hetta verður eisini galdandi fyri blúnisbrot av børnum undir 15 ár.
  • Kriminalisering av seksuellum sambandi við ættleidd børn verður síðustilla við seksuelt samband við biologisk børn.
  • Misbrúk av sinnissjúku, menningartarni ella hjálparleysari støðu hjá órættaða og grovt misbrúk av arbeiðsligum ella fíggjarligum bundinskapi verður víðkað til eisini at fevna um seksuelt samband í hjúnarbandi.

Ætlanin er, at lógararbeiðið skal vera liðugt í vár. So skal endaliga úrslitið sendast til avvarðandi partar til hoyringar, og málið er so at leggja uppskotið fyri Løgtingið eftir ólavsøku.

- Advertisement -spot_img

More articles

- Advertisement -spot_img

Latest article

This website uses cookies. By continuing to use this site, you accept our use of cookies.