24.FO
Home Fólk & Samfelag Startskotið fyri lestrarbý á Frælsinum

Startskotið fyri lestrarbý á Frælsinum

Fríggjamorgunin var fyrsti fundurin hjá arbeiðsbólkinum, sum Rigmor Dam, landsstýriskvinna í mentamálum, hevur sett at fyrireika lestrarbý á Frælsinum. Longu seint í vár skal eitt tilmæli liggja klárt, so tað kemur við í komandi fíggjarlógarviðgerð.

Arbeiðsbólkurin, sum er mannaður við umboðum úr Fróðskaparsetrinum, Landsverki og Mentamálaráðnum, skal gera tilmæli um, hvussu til ber at savna útbúgvingar, lestrarbústaðir, bókasavn og aðrar hentleikar, ið skapa eitt livandi og lokkandi lestrarumhvørvi í økinum kring Frælsið.

Rigmor Dam, landsstýriskvinna, sigur, at samgongan hevur sett sær fyri at fjálga og fjølga um útbúgvingarøkið, millum annað tí ein framsøkin útbúgvingarpolitikkur er lykilin til at venda skeivu aldurssamansetingini.

– Vit meta, at málið hevur rættiliga stóran skund og hava tí í fyrsta umfari sett 8 mió. kr. av til fyrireikingar í 2016. Ynskiligt er, at arbeiðsbólkurin kemur við einum ítøkiligum tilmæli longu seint í vár, so tað kann koma við í komandi fíggjarlógarviðgerð, sigur Rigmor Dam, landsstýriskvinna.

Í arbeiðsbólkinum eru Sigurð í Jákupsstovu, rektari, Jørgen Meitilberg og Hans Pauli Joensen frá Fróðskaparsetrinum, Kirstin Hansen/Arne D. Madsen fyri Landsverk, Mortan Zachariassen og Martin Næs fyri Mentamálaráðið.

Mentamálaráðið, 21. desember 2015

- Advertisment -

Most Popular

SUMMAR VIÐ TJÓÐSAVNINUM

Tjóðsavnið hevur sett saman eina røð av spennandi upplivingartúrum í summar. Túrarnir venda sær til bæði børn og vaksin, sum vilja uppliva okkurt øðrvísi...

Fiskaaling, Tari og Hiddenfjord í týskum sjónvarpi

Arte TV, sum er knýtt at kenda týska tíðarritinum Der Spiegel, hevur framleitt eina sjónvarpssending Føroysk taraframleiðsla er partur av heimildarfilmi, sum týska Arte TV,...

Nú verður summar í havn

Herfyri sóknaðist kommunan eftir hugskotum til, hvat kommunan kann bjóða í summar. Knappliga 200 uppskot komu inn, og stívliga helvtin vóru hugskot um, hvat kann...

Fregnartanastan hjá verjuni sigur at danskir stovnar og fyritøkur er í vand fyri njósning á netinum

Les fragreiðingina her frá donsku fregnartænastuni hjá verjuni. Hóttanarmeting frá CFCS fyri 2020 Center for Sybersikkerhed Forsvarets Eterretningstjeneste vurderer, at danske myndigheder og virksomheder er truet...

Seneste kommentarer