24.FO
Home Fólk & Samfelag SUMMAR VIÐ TJÓÐSAVNINUM

SUMMAR VIÐ TJÓÐSAVNINUM

Tjóðsavnið hevur sett saman eina røð av spennandi upplivingartúrum í summar. Túrarnir venda sær til bæði børn og vaksin, sum vilja uppliva okkurt øðrvísi og læruríkt eitt nú um fuglar, skordýr, blómur, tara, fornfrøði, hvalaveiðu, søgu ella sjórænarar á Skansanum.

Allir túrarnir eru skipaðir við serfrøðingum hjá Tjóðsavninum, sum hegnisliga greiða frá teimum mongu spennandi evnunum. Túrarnir eru ymsastaðni í Føroyum og hava ymiska longd og torleikastig. Fyrstu seks túrarnir eru longu í næstu viku og hildið verður fram til ólavsøku.

Mynd 3.jpg

Mikudagin 24. juni verður fuglatúrur á Eiði við Jón Aldará, lívfrøðingi. Millum Tjarnir er eitt serstakt og ríkt føroyskt náttúruøki við góðum vátlendi. Her búleikast nógvur heiðafuglur og nøkur heldur sjáldsom sløg kunnu síggjast har, sum t.d. reyðspógvi, tangspógvi og helsareyði. Koyrandi er til Loranstøðina, haðani lætt er at ganga millum Tjarnir og fram til Eiðisvatn.

Hósdagin 2. juli ber til at vitja fornfrøðiliga útgrevsturin á Velbastað, har Helgi D. Michelsen, fornfrøðingur, millum annað greiðir frá nýggju tíðarfestingini, sum bendir á, at kristna trúgvin á Velbastað er væl eldri enn frá umleið ár 999, tá ið Sigmundur sigst hava kristnað Føroyar.

Grivið verður í góðveðri á Velbastað 2017.JPG

Av øðrum túrum kunnu eitt nú nevnast plantutúrar í Hoyvík, við Toftavatn og Norðskála, fjørutúrar í Borðoyarvík og Kaldbak, skordýratúrar í Sandavági og Lambafeli, vitjan á Hvalastøðini við Áir, biskupssetrið í Kirkjubø, taratúrar og spennandi barnatiltak um og við sjórænarum á Skansanum.

Túrarnir kunnu keypast hjá Visit Tórshavn her >

Avmarkað pláss er til allar túrar.

- Advertisment -

Most Popular

Føroyar og USA styrkja samstarvið

Jenis av Rana, landsstýrismaður í uttanríkis- og mentamálum, hevur í dag havt fund við amerikanska uttanríkisráðharran Mike Pompeo. Undir fundinum fegnaðust teir um góðu...

Eldur í bili í tunnilinum

Í kvøld umleið klokkan 20.30 kom eldur í ein bil í var á veg gjøgnum tunnilin millum Árnafjørð og Klaksvík. Nógvur roykur er frá...

Kommunuætlan til hoyringar

Kommunuætlanin fyri Tórshavnar kommunu árini 2020-2035 er til hoyringar, og tað er hon til 10. august í ár. Uppskotið til kommunuætlan ber til at lesa...

Stigvís avvenjing gevur besta úrslitið

Seinasta kanningin hjá Fólkaheilsuráðnum vísti at 18% av føroyingum omanfyri 18 ár roykja dagliga. Nógv, sum roykja, ynskja at leggja av. Men tað kann...

Seneste kommentarer