24.FO
Home Fólk & Samfelag Landsstýrismaðurin fingið talgilda Samleikan

Landsstýrismaðurin fingið talgilda Samleikan

Fíggjarmálaráðið

Jørgen Niclasen fer nú undir at royndarkoyra talgilda Samleikan saman við 100 øðrum føroyingum. Í heyst kunnu allir føroyingar brúka skipanina.

Talgildu Føroyar seta nú Samleikan og Vangan í verk. Tað verður gjørt í stigum, og í hesum sambandi fekk Jørgen Niclasen, landsstýrismaður í fíggjarmálum, sín føroyska Samleika í dag.

Samleikin er nýggj talgild innritan og undirskrift hjá føroyingum. Landsstýrismaðurin royndi nýggju sjálvgreiðsluna, har hann tók samleikaappina niður á fartelefonina, tók mynd av passinum og sær sjálvum og stovnaði sær ein samleika. Síðan vóru upplýsingarnar eftirkannaðir hjá brúkaratænastuni, ið kundi vátta, at upplýsingarnar og samleikaprógvið samsvaraði.

Samleikin fer millum annað at kunna brúkast til at rita inn á Vangan, sum nýggi tænastuportalurin til borgarar eitur. Á Vanganum vera at byrja við á leið 40 nýggjar sjálvgreiðslur og tænastur frá ymiskum almennum stovnum at finna. Harumframt verður atgongd eisini til Mínboks í nýggjum hami. Vangin fer at gera tað lættari, skjótari og tryggari hjá føroyingum at avgreiða egin viðurskifti talgilt. Næsta ár fara føroysku peningastovnarnir eisini at bjóða kundum sínum at brúka Samleikan fyri at fáa atgongd til netbankan.

Landsstýrismaðurin fer í summar, saman við 100 øðrum, sum umboða ein breiðan skara av føroyingum, at royndarkoyra Samleikan og Vangan. Við eini stigvísari íverksetan vilja Talgildu Føroyar tryggja, at loysnir og mannagongdir eru væl royndar, áðrenn allir føroyingar í heyst fáa í boði at brúka Samleikan og Vangan.

- Advertisment -

Most Popular

Børn og ung skulu hava frítíðarkort

 Vit vilja raðfesta børn og ung, gera tað lættari hjá øllum at gerast partur av frítíðarlívinum í kommununi og samstundis geva ein fíggarligan lætta...

Millum korona og pakkaloysnir í høvuðsstaðnum

Tíðargrein Óli M. Lassen, siviløkonomur Eg veri oftani spurdur um vit ikki skjótt fáa afturgongd í búskapinum og kemur ikki ein kreppa ?. Útsagnir sum...

Klaksvíkar kommuna og framtíðin

- rakstur, íløgur og langtíðarætlanir  Vinnuligur framburður við treystum íløguhugi í vinnuna hava skapt og skapa framvegis stóra framgongd í Klaksvík. Søgan vísir okkum á...

Føroyingar fáa CPR-nummar

Landsstýrið fer bæði at gera tað smidligari at samskifta við danskar myndugleikar og fáa atgongd til danskar skipanir. Í næstum verður eitt uppskot latið...

Seneste kommentarer