24.FO
Home Fólk & Samfelag Føroyingar fáa CPR-nummar

Føroyingar fáa CPR-nummar

Landsstýrið fer bæði at gera tað smidligari at samskifta við danskar myndugleikar og fáa atgongd til danskar skipanir. Í næstum verður eitt uppskot latið Løgtinginum, sum fer at gera tað møguligt hjá øllum teimum, sum búgva í Føroyum og hava ríkisborgararætt, at fáa eitt cpr-nummar.

Føroyingar fáa CPR-nummar

 

“Samskiftið hjá føroyingum við danskar stovnar og tænastur er sera stórt, og tørvur er tí á eini smidligari skipan, har føroyingar lætt og ómakaleyst fáa atgongd til tær neyðugar skipanirnar. Eg eri sannførdur um, at cpr-nummarið fer at lætta munandi um, tá ið føroyingar eitt nú skulu finna sær eina lestraríbúð, skriva síni børn upp til barnagarðspláss ella at søkja um lestrarstuðul í Danmark.” sigur Bárður á Steig Nielsen, løgmaður.

Fýra øki

Tað eru fyrst og fremst fýra samfelagsøki, sum hava tørv á donskum cpr-nummari.

Sjúkrahúsverkið: Tá ið sjúkrahúsverkið í Føroyum sendir blóðroyndir og aðrar royndir til kanningar í Danmark krevja telduskipaninar at viðkomandi hevur eitt CPR-. nummar. Sama er tá sjúklingur verður sendur av landinum til serviðgerðar.

Starvssett hjá statsstovnum ella statspensjonistar:  Lønargjaldsviðurskiftini hjá starvsfólkum hjá eitt nú ríkisumboði, fúta, sorinskrivara, arktist kommando ella landslæknanum verða oftast avgreidd beinleiðis av løngjaldsskrivstovum í Danmark. Sama er við ymsum donskum pensjónsskipanum.

Fólk, sum ætla sær at flyta til Danmarkar: Fólk sum hava  ætlan um at flyta til Danmarkar og fyrireika seg til tað, hava ofta tørv á einum cpr nummari. Tað kann vera til at søkja um íbúð ella kollegium, at skriva børn upp til barnagarðspláss ella at søkja um danskan lestrarstuðul í Danmark.

Fólk sum hava tørv á nem-id: Nógvar skipanir í Danmark krevja at man hevur nem-id tøkt. Eitt nú um man skal hava eina e- boks at móttaka talgildan post frá donskum myndugleika ella skal logga seg á ymsar almennar heimasíður, eitt nú í onkrum førum innskriving á danskar lærustovnar.

 

Nógv hava CPR

Lógin um Det centrale personregister er ikki galandi í Føroyum. Føroyingar fáa ikki tillutað CPR- nummar, men í roynd og veru hava rættiliga nógv longu fingið eitt CPR- nummar tillutað, tí tey hava búð í Danmark eitt skifti. Hagstovan upplýsti í 2017 at hetta tal var 33,4 % av fólkinum.

Onnur hava eisini fingið  tillutað eitt sokallað fyrisitingarligt CPR- nummar, tí at tey hava havt tørv á tí. Hetta eru serliga fólk, sum hava verið send til sjúkrahúsviðgerð uttanlands ella fólk, sum hava verið starvssett hjá donskum myndugleikum í Føroyum.

Tað verður Ríkisumboðið, sum eftir ætlan fer at umsita skipanina.

Ríkislógartilmælið um “Anordning om ikrafttræden for Færøerne af visse bestemmelser i lov om Det Centrale Personregister (CPR-loven)” er sent til ummælis og kann lesast her

 

- Advertisment -

Most Popular

Rentan á orku- og elbillánum lækkar niður í 1,75 %

Frá 1. oktober 2020 lækkar rentan á orku- og elbillánum niður í 1,75%. Ítøkiliga merkir hetta, at eitt húsarhald, sum hevur lán til ein...

Børn og ung skulu hava frítíðarkort

 Vit vilja raðfesta børn og ung, gera tað lættari hjá øllum at gerast partur av frítíðarlívinum í kommununi og samstundis geva ein fíggarligan lætta...

Millum korona og pakkaloysnir í høvuðsstaðnum

Tíðargrein Óli M. Lassen, siviløkonomur Eg veri oftani spurdur um vit ikki skjótt fáa afturgongd í búskapinum og kemur ikki ein kreppa ?. Útsagnir sum...

Klaksvíkar kommuna og framtíðin

- rakstur, íløgur og langtíðarætlanir  Vinnuligur framburður við treystum íløguhugi í vinnuna hava skapt og skapa framvegis stóra framgongd í Klaksvík. Søgan vísir okkum á...

Seneste kommentarer