24.FO
Home Fólk & Samfelag Vit skulu eggja pápum til at taka størri part av barnsburðarfarloyvinum

Vit skulu eggja pápum til at taka størri part av barnsburðarfarloyvinum

Álmannamálaráðið

Hetta segði Elsebeth Mercedis Gunnleygsdóttur, landsstýriskvinna í javnstøðumálum, millum annað í sofakjaki í Mentanarhúsinum í Fuglafirði í kvøld á altjóða kvinnudegnum, 8. mars.

Vit skulu eggja pápum til at taka størri part av barnsburðarfarloyvinum

Landsstýriskvinnan tók lut í sofakjaki undir yvirskriftini Arbeiðsmarknaður, samfelagsábyrgd og barsil til menn.

Elsebeth Mercedis Gunnleygsdóttur segði, at nógvir fyrimunir eru, tá páparnir taka størri part av barnsburðarfarloyvinum.

Vit eiga at eggja monnum til at fara í barsil, tí vit vita, at tað er betri fyri alla familjuna.

Hon heldur, at sum útgangsstøði skulu vit lata foreldrini sjálvi ráða fyri, hvør tekur størsta partin av barnsburðarfarloyvinum men staðfesti samstundis, at her skal ein hugburðsbroyting til.

Vit skulu lýsa hetta økið betur. Kanska gera eina almenna lýsingarkampanju, har vit greiða frá, at tað veruliga loysir seg, at bæði foreldur taka lut í barnsburðarfarloyvinum. Og greiða frá, hvussu gott tað er fyri sambandið við barnið og enntá fyri sambandið við makan. Á henda hátt vænti eg, at flestu pápar fara at krevja sín part av barnsburðarfarloyvinum, heldur landsstýriskvinnan.

At enda nýtti Elsebeth Mercedis Gunnleygsdóttir høvið til at koma við einari áheitan á føroysku kvinnurnar:

Haldið tykkum til og takið við teimum avbjóðingum, sum eru. Farið eisini eftir teimum góðu størvunum. Vit kvinnur eru bestemt ikki minni dugnaligar, enn menn, var boðskapurin hjá landsstýriskvinnuni í javnstøðumálum.
- Advertisment -

Most Popular

Børn og ung skulu hava frítíðarkort

 Vit vilja raðfesta børn og ung, gera tað lættari hjá øllum at gerast partur av frítíðarlívinum í kommununi og samstundis geva ein fíggarligan lætta...

Millum korona og pakkaloysnir í høvuðsstaðnum

Tíðargrein Óli M. Lassen, siviløkonomur Eg veri oftani spurdur um vit ikki skjótt fáa afturgongd í búskapinum og kemur ikki ein kreppa ?. Útsagnir sum...

Klaksvíkar kommuna og framtíðin

- rakstur, íløgur og langtíðarætlanir  Vinnuligur framburður við treystum íløguhugi í vinnuna hava skapt og skapa framvegis stóra framgongd í Klaksvík. Søgan vísir okkum á...

Føroyingar fáa CPR-nummar

Landsstýrið fer bæði at gera tað smidligari at samskifta við danskar myndugleikar og fáa atgongd til danskar skipanir. Í næstum verður eitt uppskot latið...

Seneste kommentarer