24.FO
Home Vinnutíðindi Alivinna Nýggjur nevndarlimur í Bakkafrost

Nýggjur nevndarlimur í Bakkafrost

Bakkafrost

Nýggjur nevndarlimur Einar Wathne er 57 ára gamal, hevur eina MBA og PhD í alivinnu og hevur drúgvar royndir frá alivinnuni, m.a. sum stjóri í Ewos. Sigur Bakkafrost í kunning til miðlarnar.

Ísamband við ársaðalfundin hjá Bakkafrost, er føroyska útgávan av frágreiðingini um burðardygd viðvíkjandi 2018 júst kunngjørd – og løgd á heimasíðu felagsins. 

Savnsmynd – Bakkafrost

Í frágreiðing formansins til aðalfundin, kom Rúni M. Hansen inn á týdningin at menna felagið fyri at skapa størri virðir á ein burðardyggan hátt, og nøkta vaksandi altjóða eftirspurningin eftir proteinum við sunnum laksavørum.

Felagið hevur yvirtikið ábyrgdina av føroysku lívfiskaætlanini og verður hesin partur nú lagdur afturat okkara frammanundan longu virðisketu. Íløgan skal síggjast sum ein langtíðar íløga, sum vit eru sannførd um, fer at skapa virðir fyri felagið.

Í 2018 avgjørdi Bakkafrost, saman við føroyskum myndugleikum, at skipa alivirksemið í Suðuroynni betur. Bakkafrost hevur nú fýra aliøki í Suðuroynni; av hesum fer seinasta aliøkið undir virksemi nú í mei. Vit dagførdu laksavirkið í Suðuroynni í 2018, so undirstøðukervið er búgvið til nýggja framleiðsluleistin í Suðuroynni. Bakkafrost yvirtók alivirksemið í Suðuroynni í 2016, og úrslitini higartil hava givið okkum góðar vónir. Við íløgum og góðari stýring hevur virksemið í Suðuroynni menningarmøguleikar fyri øktum virksemi í framtíðini.

Formaðurin nevndi eisini týdningin av 5 ára íløguætlanunum hjá Bakkafrost. Ein nýggj 5 ára  íløguætlan varð kunngjørd í 2018 uppá 3 milliardir krónur. Hann segði, at hon fer at minka um lívfrøðiliga váðan, geva møguleika fyri  burðardyggum vøkstri,  og skapa virðir fyri okkara kundar, parteigarar og samfelagið.

Vegna nevndina í Bakkafrost, takkaði hann øllum starvsfólkum hjá Bakkafrost fyri heilhuga, nærlagni og ágrýtni í 2018.

- Advertisment -

Most Popular

Børn og ung skulu hava frítíðarkort

 Vit vilja raðfesta børn og ung, gera tað lættari hjá øllum at gerast partur av frítíðarlívinum í kommununi og samstundis geva ein fíggarligan lætta...

Millum korona og pakkaloysnir í høvuðsstaðnum

Tíðargrein Óli M. Lassen, siviløkonomur Eg veri oftani spurdur um vit ikki skjótt fáa afturgongd í búskapinum og kemur ikki ein kreppa ?. Útsagnir sum...

Klaksvíkar kommuna og framtíðin

- rakstur, íløgur og langtíðarætlanir  Vinnuligur framburður við treystum íløguhugi í vinnuna hava skapt og skapa framvegis stóra framgongd í Klaksvík. Søgan vísir okkum á...

Føroyingar fáa CPR-nummar

Landsstýrið fer bæði at gera tað smidligari at samskifta við danskar myndugleikar og fáa atgongd til danskar skipanir. Í næstum verður eitt uppskot latið...

Seneste kommentarer