24.FO
Home Fólk & Samfelag ABC toymið telur nú 20 samstarvsfelagar

ABC toymið telur nú 20 samstarvsfelagar

Toymið í verkætlanini ABC fyri sálarliga heilsu hevur verið støðugt vaksandi seinastu tíðina. Ergoterapeutfelagið og Barna- og ungdómspsykiatriska toymið blivu fyri stuttum partur av verkætlanini. Nú kann Fólkaheilsuráðið avdúka, at eisini Fysioterapeutfelag Føroya, hevur tikið stig til at vera við.


“Vit hava nú ein sera breiðan skara av samstarvsfeløgum í verkætlanini hjá okkum, og tað er ómetaliga gott. Hetta hevur m.a. við sær, at fleiri og fleiri møguleikar eru hjá ymisku feløgunum, stovnunum og kommununum at samstarva. Nýggj samstørv kunnu skapa nýggj og spennandi átøk, sum kunnu gagna borgarunum so spennandi verður at síggja, um nýggj samstørv spretta bæði innanhýsis í ABC toyminum og uttanhýsis í 2019” sigur Monika Mohr, ABC verkætlanarleiðari í Fólkaheilsuráðnum. ABC toymið fevnir nú um 20 ymisk feløg, stovnar og kommunur kring alt landið og Fólkaheilsuráðið fegnast um vaksandi áhugan fyri verkætlanini.

Fysioterapeutfelag Føroya sigur soleiðis um teirra nýggja leiklut í verkætlanini: “Fysioterapeutfelag Føroya gleðist um at gerast ein partur av samstarvinum ABC fyri sálarliga heilsu. Vit meta, at eins og kropslig heilsa hevur týdning fyri at menniskju hava ein virknan og sjálvstøðugan gerandisdag, so hevur sálarlig heilsa stóran týdning fyri, at menniskju kunna verða virkin, bæði sum einstaklingar og sum ein partur av samfelagnum.”

Fysioterapeutfelag Føroya viðurkennir sostatt tað, sum Fólkaheilsuráðið strembar eftir, nevniliga at tað hevur líka stóran týdning at leggja dent á sálarliga heilsuna eins og kropsligu heilsuna, eisini tá tað viðvíkur ein virknan og sjálvstøðugan gerandisdag. Magni Mohr, formaður í Fólkaheilsuráðnum heldur, at tað er gott, at Fysioterapeutfelag Føroya er blivið partur av verkætlanini og vónar, at fleiri leggjast afturat.

Fólkaheilsuráðið

- Advertisment -

Most Popular

MAKRELURIN STÓRA ÁVIRKAN Á VISTSKIPANINA – grein frá 2015

Fleiri norskir granskarar bera ótta fyri stóra makrelstovninun. Teir vísa á at hann ávirkar alla føðiketuna og neyðugt er at fiska nógv meira av...

Føroyar og USA styrkja samstarvið

Jenis av Rana, landsstýrismaður í uttanríkis- og mentamálum, hevur í dag havt fund við amerikanska uttanríkisráðharran Mike Pompeo. Undir fundinum fegnaðust teir um góðu...

Eldur í bili í tunnilinum

Í kvøld umleið klokkan 20.30 kom eldur í ein bil í var á veg gjøgnum tunnilin millum Árnafjørð og Klaksvík. Nógvur roykur er frá...

Kommunuætlan til hoyringar

Kommunuætlanin fyri Tórshavnar kommunu árini 2020-2035 er til hoyringar, og tað er hon til 10. august í ár. Uppskotið til kommunuætlan ber til at lesa...

Seneste kommentarer