24.FO
Home Vinnutíðindi Fiskivinna (Hví) villleiðir Høgni?

(Hví) villleiðir Høgni?

Í sambandi við eitt innslag í KVF á middegi, um sáttmálar segði Høgni Hoydal fiskimálaráðharri m.a.

Óli Jacobsen, skrivar

Nýggja lógin [um sjófeingi] er eitt heilt nýtt grundarlag nú rættindini eru hjá persónum og feløgum og ikki beinleiðis knýtt at fiskiførum.

Hetta úttalilsi hjá fiskimálaráðharranum reisir fleiri spurningar, sum tíðindamaðurin tíverri ikki loftaði ella ikki var fyrireikaður uppá.

Fyri at lýsa hetta nærri er eitt fiskifar eitt amboð hjá ávísum felagi, eins og ein lastbilur, ein gravkúgv ella ein bussur er. Eitt amboð er ein fysiskur lutur og ikki ein juridiskur persónur.  Kenni einki fordømi um, at sáttmálar verða gjørdir við nøkur amboð ella fysiskar lutir ella at lastbilar ella bussar hava rættindi.

At myndugleikin sambært lógina skal góðkenna ein ávísan buss til ávísan ferðafólkaflutning broytir ikki tað faktum, at tað er busseigarin, ið er sáttmálapartur við rættindum og skyldum.

Tað er eitt faktum, at veiði- og fiskirættindi síðani 1994 somuleiðis hava ligið hjá persónum og feløgum, ÓHEFT av fiskiførum, men at lógin hevur ásett, at ávís fiskirættindi krevja ávísa góðkenning av fiskiførum fyri at verða gagnnýtt.

Eftir stendur ivin um, HVÍ landsstýrismaðurin førir fram eina faktuelt skeiva upplýsing á einum øki, sum hann hevur evstu ábyrgd av.

Um so er, at Høgni hevur  verið mismæltur, ja, so stendur honum frítt at koma við rættleiðing?

Er Høgni í góðari trúgv og veit ikki betur, ja, so stendur honum eisini frítt at koma við rættleiðing?

Ella villleiðir Høgni Hoydal við vilja?

Hvør ið sanna støðan er, má Høgni verða bestur at svara fyri. Tí er ynskiligt, at tíðindamaðurin fer aftur til Høgna fyri at fáa svar uppá henda spurning.

Óli Jacobsen

- Advertisment -

Most Popular

Børn og ung skulu hava frítíðarkort

 Vit vilja raðfesta børn og ung, gera tað lættari hjá øllum at gerast partur av frítíðarlívinum í kommununi og samstundis geva ein fíggarligan lætta...

Millum korona og pakkaloysnir í høvuðsstaðnum

Tíðargrein Óli M. Lassen, siviløkonomur Eg veri oftani spurdur um vit ikki skjótt fáa afturgongd í búskapinum og kemur ikki ein kreppa ?. Útsagnir sum...

Klaksvíkar kommuna og framtíðin

- rakstur, íløgur og langtíðarætlanir  Vinnuligur framburður við treystum íløguhugi í vinnuna hava skapt og skapa framvegis stóra framgongd í Klaksvík. Søgan vísir okkum á...

Føroyingar fáa CPR-nummar

Landsstýrið fer bæði at gera tað smidligari at samskifta við danskar myndugleikar og fáa atgongd til danskar skipanir. Í næstum verður eitt uppskot latið...

Seneste kommentarer