24.FO
Home Vinnutíðindi Alivinna Fiskaaling setir ferð á menning av rognkelsum

Fiskaaling setir ferð á menning av rognkelsum

Eftir at arbeiðið við at menna ein lívfiskastovn undan føroyskum rognkelsum hevur koyrt á einum lágum blussi seinastu árini, verður nú aftur ferð sett á hetta arbeiðið.

Fiskaaling og Marine Harvest hava gjørt eina tvey ára avtalu, sum inniber, at arbeiðið at menna lívfiskastovnin kann halda fram. Endamálið  er at fáa rognkelsir, sum trívast í aliringum og eta lús.
Seinnu árini hevur arbeiðið við at menna ein lívfiskastovn undan føroyskum rognkelsum koyrt á einum lágum blussi, tí slíkt arbeiði er kostnaðarmikið. Tí hevur Fiskaaling arbeitt við at finna eina loysn, sum inniber at fáa uttanhýsis fígging til hetta arbeiðið.
Komið er nú á mál við hesum, og Fiskaaling og Marine Harvest hava gjørt eina avtalu, sum inniber, at Marine Harvest í avtalutíðarskeiðinum í stóran mun fíggjar arbeiðið við at menna lívfiskastovnin. Endamálið við verkætlanini er at skapa eitt grundarlag, so føroyska vinnan sjálv kann menna framleiðslu av rognkelsum.
Arbeiðið seinastu árini við at menna føroyska lívfiskastovnin av rognkelsum merkir, at Fiskaaling í dag framleiðir 4. ættarlið av føroyskum aldum rognkelsum. Í samstarvi við Marine Harvest verða hesi rognkelsir sett út á aliøkini hjá Marine Harvest í Sundalagnum Norður, Oyndarfirði og á Sandsvág. Hesi aliøkir eru sera ymisk háttaði, og hetta gevur møguleika at fylgja trivnaðinum hjá føroysku rognkelsunum í teimum ymsu aliumhvørvunum. Endamálið við arbeiðinum er at fáa rognkelsir, sum trívast í aliringum og eta lús.
Afturat lívfiskaarbeiðinum er ætlanin at knýta ymsar verkætlanir, sum millum annað fevna um at menna vitan um strúking, kleking og klekiumhvørvi, startfóðring, fóðurroyndir, rognkelsisskjól og -atferð, og kanningar av trivnaði hjá rognkelsunum á landi og á sjógvi.
Heilsufrøðiliga starvsstovan hevur givið Fiskaaling loyvi at taka rognkelsir, sum hava yvirlivað í aliringum í Sundalagnum Norður, inn aftur á støðina í Nesvík, soleiðis at møguligt verður at ala undan hesum fiskum. Rognkelsir, sum verða sett út á Sandsvág og Oyndarfjørð, verða sonevnt «pitmerkt». Hetta ger tað møguligt at nýta systkin hjá fiski, ið klárar seg væl á Oyndarfirði ella á Sandsvág, til lívfisk.
Avtalan við Marine Harvest inniber eisini, at tá loyvir at ala rognkelsir í Føroyum verða givin, skulu føroysk alifeløg hava møguleika fyri at keypa eitt avmarkað tal av lívfiskarognkelsum frá Fiskaaling. Á hendan hátt fáa tey gagn av tí menningararbeiði, sum Fiskaaling hevur gjørt seinastu árini.
- Advertisment -

Most Popular

Børn og ung skulu hava frítíðarkort

 Vit vilja raðfesta børn og ung, gera tað lættari hjá øllum at gerast partur av frítíðarlívinum í kommununi og samstundis geva ein fíggarligan lætta...

Millum korona og pakkaloysnir í høvuðsstaðnum

Tíðargrein Óli M. Lassen, siviløkonomur Eg veri oftani spurdur um vit ikki skjótt fáa afturgongd í búskapinum og kemur ikki ein kreppa ?. Útsagnir sum...

Klaksvíkar kommuna og framtíðin

- rakstur, íløgur og langtíðarætlanir  Vinnuligur framburður við treystum íløguhugi í vinnuna hava skapt og skapa framvegis stóra framgongd í Klaksvík. Søgan vísir okkum á...

Føroyingar fáa CPR-nummar

Landsstýrið fer bæði at gera tað smidligari at samskifta við danskar myndugleikar og fáa atgongd til danskar skipanir. Í næstum verður eitt uppskot latið...

Seneste kommentarer