Home Tíðindir Ferðavinna í Føroyum – ein ábyrgdarfull og burðardygg leið

Ferðavinna í Føroyum – ein ábyrgdarfull og burðardygg leið

by OML

Fríggjadagin 5. mai kl. 13-15 verður heildarætlan um framtíðar ferðavinnumenning løgd fram í Smæruni, J. H. Schrøtersgøtu 7.

Í 2016 setti Poul Michelsen, landsstýrismaður í uttanríkis- og vinnumálum, arbeiðsbólk, ið skuldi gera eina heildarætlan fyri innlendis menning av ferðavinnuni. Ætlanin skal eyðmerkja avbjóðingarnar hjá ferðavinnuni í dag og koma við tilmælum, sum skulu slóða fyri menning í innanoyggja ferðavinnuni. Í arbeiðsbólkinum eru: Jóhan Pauli Helgason og Gunvør Balle fyri Uttanríkis- og vinnumálaráðið, Hanna á Reynatúgvu fyri Kunningarstovurnar, Eyðun Christiansen fyri Kommunufelagið, Maria Gunnleivsdóttir Hansen fyri Umhvørvisstovuna og Henny á Líknagøtu fyri Ferðavinnufelagið.

Tá heildarætlanin verður handað landsstýrismanninum, fer arbeiðsbólkurin at leggja heildarætlanina fram og høvi verður at seta spurningar.

Tiltakið er alment.

You may also like

This website uses cookies. By continuing to use this site, you accept our use of cookies.