Home Heim & Frítíð Børn sína fram í Smiðjuni í Lítluvík

Børn sína fram í Smiðjuni í Lítluvík

by OML

Listaverkini eru litrík og kundu verið málað av fremstu málarunum í landinum. Men verkini eiga børnini í 2. flokki í Spíranum.

Leygardagin 12. mars kl. 15.00 letur 2. flokkur í Spíranum upp málningaframsýning í Smiðjuni í Lítluvík.

Spírin er ein náttúrufrítíðarskúli. Børnini eru bæði úti og inni, og skapandi evnini verða væl stimbrað í fjølbroytta virkseminum. Hetta sæst aftur á myndunum, sum hava íblástur frá náttúruni. Tað serliga við myndunum er, at tær flestu eru málaðar við træpettum ella trækubbum. Tær síggja tí heldur øðrvísi út.

Í eitt longri tíðarskeið hava børnini saman við Absaloni Hansen arbeitt við ymiskum skapandi á verkstaðnum. Framsýningin leygardagin er úrslitið av hesi tilgongd.

Poul Michelsen Heilsøla hevur stuðlað framsýningini. Helena Dam á Neystabø kemur at siga nøkur orð, tá ið framsýningin letur upp.

Á netsíðu Spírans ber til at lesa meira: nattura.fo

You may also like

This website uses cookies. By continuing to use this site, you accept our use of cookies.