Home Ung & Ítróttur Hudson Taylor á G

Hudson Taylor á G

by OML

Fyrireikararnir av G! festivalinum kunngera í dag at írsku Hudson Taylor koma at framføra á G! 2016!

Beiggjarnir Alfie og Harry Hudson Taylor, byrjaðu sína tónleika karrieru á gøtuni í Dublin, og í summar verða teir at hoyra á sandinum í Gøtu.

Í 2012 útgóvu teir sjálvir EP´ina Battles. LP´in setti veruliga gongd í teirra tónleikaliga virksemi, har hon lá ovast á sølulistanum hjá Itunes Irlandi og nummar 14 á bretska Itunes. Seinnu gjørdu teir sáttmála við plátufelagið Polydor, ið endurútgav Battles. Hudson Taylor fóru út at spæla, hitaðu upp fyri Kodaline og Jake Bugg, spældu á Glastonbury, hitaðu upp fyri Rolling Stones framman fyri 50.000 fólkum á Hyde Park. Síðani byrjaði arbeiðið upp á teirra fyrstu heilu fløgu “Singing for Stranger”. Tittulin var íblástur av fortíðini á gøtuni í Dublin. Fyrsta staklag “Chasing Rubies” var leyslatið í oktober 2014, og í 2015 kom fløgan út. Singing for Strangers lá nummar 3 á írsku sølulistunum. Tónleikurin er lættur, ljóðið er akkustiskt, fólksligt og við tøttum vokal harmonium, týðiliga íblást av 60´ínum, men umgjørt til nútímans popp.

You may also like

This website uses cookies. By continuing to use this site, you accept our use of cookies.